Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
54
EIN FRITENKJAR
Hauk tala med henne kom han inn i ein Rus som
gjorde at han gløymde alt anna; og ho var so vidt
upplyst at han kunde tala med henne um kva han
vilde. Han lika seg hjaa Fru Alm; men naar han var
ifraa henne var det alt som fyrr, eller verre. Dette
gjorde at han søkte henne tidt.
Ho fekk eit Slags Magt med Hauk. Han hugsa
aldri etter at ho var gift; for honom vart ho meir og
meir den aandfulle frie Kvinna, som stod utanfor det
vanlege Kvardagsliv. Men stundom vart ho aalvorsam
og gav seg til aa tala med han um Vaarherre. Aa,
sagde ho, kor syndige me var, og kor saart me trong
um Naade og Frelse! Ho kunde aldri liva eller vera
til, dersom ho ikkje ender og daa fekk gaa i Kyrkja og
høyre Guds Dom yvi Syndi og reinske seg ved Bot
og Bøn. Ho kunde ikkje forstaa at Hauk kunde vera
Fritenkjar. Ho hadde lengi tenkt at ho vilde beda
han sanse seg og tenkje seg um; for den Vegen
han no gjekk paa, den førde ikkje til nokon god Stad.
Hauk berre glaapa; eller han sette i aa læ. Vilde ho
preike Bot for honom ? Men daa vart Rosalie vond.
Ho stana upp midt framfor han og stirde paa han
med store Augo, som brann av religiøs Eldhug. „Læ
ikkje aat aalvorsame Ting!" ropa ho. Hauk vart reint
forundra. Ho meinte det ærlegt med Kristindomen
sin! Og samstundes med at ho gjekk her og braut
si dyraste Plikt, vilde ho umvende honom! Slikt hadde
han aldri kunna tenkt seg. Han vart reint tagall og
berre saag paa henne og lydde. Ho dreiv paa. Ho
lagde ut for han um kor syndig han var; men den
verste Synd var Vantrui, sagde ho; for den gjorde at
ein ikkje kunde faa Tilgjeving heller. Den som trudde,
han kunde og gjera Synd, dessverre; men Gud var
naadig og tilgav, naar ein bad um det; derimot den
som ikkje trudde var raadlaust under Guds Unaade.
Kvi kunde han daa ikkje likso godt tru? Innbillte
han seg at han var sælare eller betre som han no
<< prev. page << föreg. sida << >> nästa sida >> next page >>
