Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Slik skarve, harmelegt Sleng!
Han stél baade Kje og Lamb.
Men endaa so fin han gjeng
og hev korkje Agg hell Skam.
Men var det den stygge Skrubb,
so arg og so hol som Futen, —
eg tok meg ein Bjørkekubb
og gav han ein god paa Snuten.
Han reiv sund Sauir og Lomb
for Mor mi so traadt og tidt;
ja sant! um han berre kom,
so skuld’ han so visst faa sitt.
Men var det den snilde Gut
der burte fraa Skare-Bråte, —
han fekk vel ein paa sin Trut, —
men helst paa ein annan Maate.
Aa Tøv, kva tenkjer eg paa!
Det lid nok paa Dagen alt...
Eg maa til Buskapen sjaa; —
ho Dokka drøymer um Salt.
Møte.
Ho sit ein Sundag lengtande i Lid;
det strøymer paa med desse søte Tanker;
og Hjarta fullt og tungt i Barmen bankar,
og Draumen vaknar, bivrande og blid.
Daa gjeng det som ei Hildring yvi Nuten;
ho raudnar heit; — der kjem den vene Guten.
75
<< prev. page << föreg. sida << >> nästa sida >> next page >>
