Full resolution (JPEG) - On this page / på denna sida - Haraldz saga ins hárfagra
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
er nú í blóma aldrs; fekk ek honum af því nýjan búnað; en
þar er þú mintir mik, at ek væra þinn maðr, þá veit ek hitt
eigi síðr, at þú ert minn maðr«. Þá brá konungr sverði ok
hjó hann banahǫgg, reið braut síðan. En er Haraldr konungr
var búinn at stíga á hest sinn, þá bað hann kalla til sin Áka
bóanda, en er menn leituðu hans, þá runnu sumir þannug, sem
Eiríkr konungr hafði riðit; fundu þeir þar Áka dauðan, fóru
síðan aptr ok sǫgðu konungi. En er hann spyrr þetta, heitr
hann á menn sína, at þeir skulu hefna Áka bóanda; ríðr þá
Haraldr konungr þannug, er áðr hafði riðit Eiríkr konungr,
til þess er hvárir verða varir við aðra; þá ríða hvárir, sem
mest megu, til þess er Eiríkr konungr kømr á skóg þann, er
skilr Gautland ok Vermaland. Þá snýr Haraldr konungr aptr
á Vermaland; leggr þá land þat undir sik, en drap menn Eiríks
konungs, hvar sem hann stóð þá. Fór Haraldr konungr um
vetrinn aptr á Raumaríki.
48. Úti vill jól drekka,
ef skal einn ráða,
fylkir enn framlyndi
ok Freys leik heyja;
ungr leiddisk eldvelli
ok inni at sitja,
varma dyngju
eða vǫttu dúns fulla.
49. Grennir þrǫng (at gunni)
gunnmǫ́s fyr haf sunnan
(sá vas gramr) ok gumnum
(geðharðr) und sik jǫrðu,
ok hjalmtamiðr hilmir
holmreyðar lét olman
lindihjǫrt fyr landi
lundprúðr við stik bundinn.
<< prev. page << föreg. sida << >> nästa sida >> next page >>
