Full resolution (JPEG)
- On this page / på denna sida
- Saga Óláfs konungs kyrra
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Dana-konungr Sveinsson fekk Ingigerðar, dóttur Haraldz
konungs, systur Óláfs Nóregs-konungs. Óláfr Haraldzson, er sumir
kǫlluðu Óláf kyrra, en margir Óláf bónda, hann gat son við Þóru
Jóans-dóttur; sá var nefndr Magnús; var sá sveinn inn fríðasti
sýnum ok allmannvænn; óx hann upp í hirð konungs.
K. 6. Jartegnir Óláfs konungs.
Óláfr konungr lét gera steinmusteri í Niðarósi ok setti í
þeim stað, sem fyrst hafði verit jarðat lík Óláfs konungs, ok var
þar yfir sett altárit, sem grǫptr konungs hafði verit, þar var
vígð Kristskirkja; var þá ok þannug flutt skrín Óláfs konungs
ok sett þar yfir altári; urðu þar þá þegar margar jartegnir. En
annat sumar eptir at jamlengð þess, er kirkjan hafði vígð verit,
þá var þar allfjǫlment; þat var Óláfsvǫku aptan, at blindr maðr
fekk þar sýn sína. En sjálfan messudaginn, þá er skrínit ok
helgir dómar váru út bornir, skrínit var sett niðr í kirkjugarðinn,
svá sem siðvenja var til, þá fekk maðr mál sitt, er lengi áðr
hafði mállauss verit, ok sǫng þá lof guði ok inum helga Óláfi
konungi með mjúku tungubragði. Kona var inn iii. maðr, er
þannug hafði sótt af Sviþjóðu austan ok hafði í þeiri fǫr þolat
mikla nauð fyrir sjónleysis sǫkum; en þó treystisk hon miskunn
guðs ok kom þar farandi at þeiri hátíð. Hon var leidd sjónlaus
í musterit at messu um daginn, en fyrr en tíðum var lokit, sá
hon báðum augum ok var þá skygn ok bjarteyg, en áðr hafði
hon verit blind xiiii. vetr; fór hon þaðan með háleitum fagnaði.
K. 7. Jartegnir Óláfs konungs.
Sá atburðr gerðisk í Niðarósi, at skrín Óláfs konungs var
borit um stræti, at hǫfugt varð skrínit svá at eigi fengu menn
borit fram ór stað; en síðan var skrínit niðr sett ok brotit upp
strætit ok leitat, hvat þar var undir, ok fanzk þar barns lík, er
myrt hafði verit ok fólgit þar; var þat þá á brot borit, en bœtt
aptr strætit, svá sem áðr hafði verit, en borit skrín at vanða.
K. 8. Dauði Óláfs konungs.
Óláfr konungr sat optliga í heraði at stórbúum sínum, er
hann átti; en er hann var austr í Ránríki at Haukbœ at búi sínu,
<< prev. page << föreg. sida << >> nästa sida >> next page >>
Project Runeberg, Sun Dec 10 06:24:58 2023
(aronsson)
(diff)
(history)
(download)
<< Previous
Next >>
https://runeberg.org/heimskring/0526.html
