Full resolution (JPEG) - On this page / på denna sida - Meddelanden och aktstycken - Brev från John Durie åren 1636—1638 utg. av Gunnar Westin
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
2 i o
MEDDELANDEN OCH AKTSTYCKEN
To Axel Oxenstierna
(Stockholm, 23 August 1636.
Illustrissre & Magnifice Domine,
cum alia non detur commoda colloquendi ansa; atque audiam
ab urbe breui discessuram Illustr. V:ram liceat mihi paucis hac via
successum colloquij super meo instituto habiti, cum viris quos Illustr.
V:ra mihi nominauit referre. Scopum meum (nam quis non id faceret)
omnes approbarunt: suumque in eo promouendo paratum fore studium
testati sunt: in alijs tamen maior in alijs minor hac in parte zelus
apparuit. D:us Magister Jacobus huius urbis Pastor quamvis initio
difficilior mihi visus est; factus tamen est post iteratos congressus
ad collocutionem propensior; tandemque inter nos de medijs
agendi-que modo satis Luculentus inventus est consensus. Eius summa hæc
est, stabiliendam esse in fundamentalibus fidei dogmatibus
frater-nitatem: illaque fundamentalia non aliunde quam ex S. Script, textu
esse desumenda; Scripturæque phrasibus esse proponenda. Quæ
autem fundamentum non concernunt dogmata, Schismati causam
præbere non debere: Si tamen utilia fuerint ad ædificationem, ea,
(præsertim si quid ambigui aut obscuri habuerint) collatis inter sese
& cum S. Scriptura Ecclesiarum confessionibus explicari, elucidari
& fusius proponi debere; donec tandem manifestus in Doctrina
veri-tatis consensus appareat. Hoc agnito firmandam ilico concordiam.
deinde quoad modum procedendi; iudicatum fuit non esse
dispu-tandum de rebus in Schola controuersis, ut concordiæ & animorum
reconciliationi via sternatur: sed potius in sufficientibus sententiarum
declarationibus esse acquiescendum: atque eo fine consulendos
de-lectos ad hane rem theologos; exquirendas illorum sententias,
re-quirenda sufifragia. Hæc esse suo tempore Magistratui exhibenda
nihilque nisi illo approbante & conscio esse publice agendum:
tandemque conventu[m] aliquem eius authoritate indicendum in quo,
quid ex omnium coniunctis suffragijs, facto opus sit, ad rei perfectam
consummationem; intelligatur. Interea paulatim præparandos & ad
hasce cogitationes pertrahendos omnium animos: ut consilia de rebus
particularioribus sua singuli præmeditentur & in parato habeant.
Eadem quoque reliquorum mens mihi visa est: Sed adduxit secunda
vice qua mecum locutus est D:us Mag:r Jacobus alios duos, non
collocutores sed auditores; dixitque plures se, qui tamen non
vene-runt, aduocasse. Praeterea commendauit mihi Ecclesiæ Germanicæ
Pastorem D:m Joh. Rotleben, petijtque ut cum ipso conferrem: id
eius rogatu feci: Virum autem pium, prudentem, Doctum,
concordiæ-que studiosum inveni: sed præ alijs in hisce cogitationibus
exerci-tatum, causæque fauentem oftendi D m Joh:en Matthæi.
Ita cum hie factum sit amicæ consultationis super scopo meo
1 Oxenstiernska saml. (RA).
<< prev. page << föreg. sida << >> nästa sida >> next page >>
