Full resolution (JPEG) - On this page / på denna sida - Meddelanden och aktstycken - Brev från John Durie åren 1636—1638 utg. av Gunnar Westin
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
westin, brev från john durie
2 5 3
queam, hanc Declarationem, quam Illustriss:o I):no Cancellario offero,
suo tempore alijs insinuandam, concipere consultum judicavi: ut scil.
constaret omnibus æquis rerum æstimatoribus, quam innocenter &
inculpate versari in hoc negotio velim, & quam benevolo affectu ego
hactenus erga Causam Evangelicam & vos omnes præditus sim.
Hæc autem T. R:æ communicare me debere existimavi, ut si quam
sinistræ suspicionis occasionem vel habuisti, vel concepisti de mea
erga vos propensione, illa nunc plene eximatur, quando videbis me
publicæ tranquillitatis & ædificationis causå velie memetipsum in
omnibus abnegare, & omnes posthåc offensionum occasiones sedulo
devitare, ut coram Deo aliquando inculpatus Evangelicæ Concordiæ
servus inveniar, & ab omni reatu promotæ aut fomentatæ dissensionis
liberatam habere queam Conscientiam. Rogo igitur tuam Piet:em ut
hunc meum animum apud D:m Episcop. Arosæm testatum facere
velit, ut si aliquà ratione fieri possit ille velit sibi de me, & ego
possim mihi de illo vicissim omnia spondere & expectare officia
quæ decet veros Dei in Evangelio servos intendere, ad mutuam sui
& aliorum in Causa Communi hoc præsertim afflicto Ecclesiæ Dei
statu ædificationem. Deinde si placeret etiam T. R:tiæ cum
Illus-trissro D:no Cancellario conferre, ut dijudicetur quidnam facto opus
sit, ut plenius aliorum omnium diffidentijs à me satisfiat, & si postea
illud mihi sive præsenti, sive absenti indicatum fuerit, spondeo,
dum-modo illud honestati meæque Conditioni (quam vobis curæ futuram
scio) non repugnet, me illud eifectum daturum Hæc, ne officium
hoc tempore (quo hie adhuc morbo detentus hærere cogor) neglexisse
videar, scribenda putavi. Rogo igitur ut omnia in bonam partem
accipias, &: hanc meam sollicitudinem quå omnem å meo capite
scandali reatum, coram Deo & omnium piorum Conscientia amoliri
conor, boni consulas, & me precibus tuis juva. Sum enim & dehinc
esse cupio
Rev:dæ Dig:tis Tuæ
Servus in Christo ad officia
Christiana paratus
Johannes Duræus
Valetudinarius.
Scrib. Holmiæ 4 Jul. A:o 1638.
P. Scrip.
Hanc appositam Ep[isto]lam D:no Epis. Arosiensi inscriptam,
apertam relinquo: ut R. T. illam perlegat & postea ei si placet
tra-dendam curet, quod ut facere ne graveris rogo, & si illam ita
apertam ei mittere non putas consultum, sub sigillatæ Chartæ
plica-tura paululum ceræ aut particulam hostiæ sigillatoriæ apponere licebit.
<< prev. page << föreg. sida << >> nästa sida >> next page >>
