Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
vita nokkurn veginn, hverníg legu og lögun þeirra landa
er varið; menn vita nú; að jörðin er byggileg miklu lengra
til norðurs en menn áður héldu, þekkja ýms sérstök
nöfn á þjóðum, löndum og höfum, og vita hvaðan rafið
kom. Af þessu sést, að ferð Pyþeasar hefir verið til
mikilla framfara og þýðingarmikil í þekkingarsögu
mannanna.
Hinn mikli stjörnuspekingur og landfræðingur Claudius
Ptolemæus, sem var uppi á miðri 2. öld eptir Kristsburð,
nefnir Thule, og segir, að hún sé fyrir norðan Orkneyjar,
og að þar sé lengstur dagur 20 stundir; Ptolemæus
ákveður legu landanna með breiddar- og lengdarstigum,
hann segir, að nyrzti hluti Thule sé á 63° 15′, miðhlutinn
á 63°, syðsti hlutinn á 62° 40′. Pomponius Mela talar
einnig um Thule; hann ritar hér um bil á þessa leið: [1] »Thule
er beint á móti ströndum Belca, og er hún fræg í grískum
og latneskum kvæðum; þar eru næturnar stuttar, af
því sólin kemur upp til þess að síga fjarri til viðar, en
á vetrum eru þær dimmar eins og annarstaðar; á sumrum
eru þær bjartar, af því sólin á þeim tíma kemur
hærra á lopt, og þó hún eigi sjáist sjálf, þá upplýsir hún
þó hið næsta með nálægum ljóma. Um sólstöður eru
engar nætur, af því þá verður sólin augljósari og sýnir
eigi að eins birtu sína, heldur og líka mestan hluta af
sjálfri sér«. Á öðrum stað segir Mela, að Skyþar heiti
einu nafni Belcar; sýnir þetta, að hann hugsar sér Thule
mjög austarlega, enda var það skoðun manna í þá daga,
að norðurhluti Európu tæki fljótt að dragast til austurs
og að Svartahaf og Kaspiskahaf væri flóar, er stæðu í
sambandi við norðurhafið; fornir landfræðingar láta því
opt Thule og önnur norðrlönd vera mjög austarlega.
Þessu næst kemur Plinius til sögunnar. Hann getur
víða um Thule i náttúrusögu sinni; hann ber Pyþeas fyrir
<< prev. page << föreg. sida << >> nästa sida >> next page >>
