Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Amplissimo Viro
DD. ABR. BÄCK.
S. pl. d.
Car. Linnseus.
Si U. Hagström obtinuerit munus medici ordinarii per
Ostro-gothiam, hoc iterum Tibi omnino unice debet, qui ineffabili
desiderio et oblectamento bonos Tuos cultores et curiosos omnes
promoves; uti I). Hagström a multis retro annis mihi amicus fuit,
ita et par est quod plurimas Tibi referam grates pro hoc egregio
Tuo facinore.
Doleo quod infinitis distractus negotiis non potuerim
respondere Collinsono ad ultimas ejus literas, quibus varia botanica
confusa inseruit.
videbo qua ratione potero Tabulas connectere. Sperabam dum
inceperamus opus, plures figuras posse addi et inseri majoribus
philyris et chartis spatio vacuis, quod tamen factum non fuit; et
eodem tamen pretio fieri potuerat.
Ego non possum venire ante 8vam aprilis, neque tum facile,
nisi a Rege clemenlissimo jussus, forte potero omnia absolvere
domi, si tabulae accedant.
Mortuus hic est pictor academiae ordinarius, ubi accipiendus
est alter, qui majori industria poterit plantas et animalia pingere.
Ab eo tempore enim, quo iste, qui nuper decessit, introductus
fuit, ego nullam figuram plantae rarioris acquirere potui.1
Privatim doceo de Amphibiis, coram spectatissima corona
auditorum, quibus ita referta est Domus, ut vix sufficiat locus, invitis
invidis et ringentibus adversariis.2
Annon aliqua tabula deberet praefigi operi s. titulo, uti solet
apud exteros, in omni opere nitidiori? si posses de hac re loqui
cum serenissimo, res esset exoptatissima.
annon velit sereniss. Rex quod tabulae suis locis inserantur,
vel etiam quod operi adjiciantur ad finem?
Ter vale amicorum dulcissime! qui sine dubio cum aula
praedia adeas.
D. Upsaliae 1754
d. martii.
<< prev. page << föreg. sida << >> nästa sida >> next page >>
