Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Accepi hodie ingentem copiam Lapidum Holmise, sed lectam
in exteris regionibus; at absque literis ut nesciam unde, si Tu
noveris, mihi dicas.
Vale Amicorum dulcissime,
dabam Upsaliae 1754 d. 30 augusti.
Utanskrift och sigill som på bref. 853.
867.
Viro Sapientissimo
DD. ABR. BJECK
S. pl. d.
Car. Linnseus.
Hodie habui literas et responsum tuum de D:no Schultze, quem
heri examinavi publice, praesentibus omnibus Medicinae alumnis.
Schultzius, qui in priori examine mediocriter bonus erat, in hoc
examine se virum praestitit; at contra D. Hiortsberg, qui in altero
examine physiologico et theoretico egregius erat, in hoc admodum
mediocris erat, praesertim in praescribendis formulis: cum autem
promisit non intermissurum omni opera eo tendere ut quam
primum reliquis par evadat; cum in Mineralogicis et Chemicis sit
egregius; cumque studiis operam omnibus viribus incumbit; cum
practicis non suum quaerat panem; et demum, cum Praeses regii
Collegii olim familiariter mecum de eo sermonem instituit, quod
posset assumi ob eruditionem in chemicis, dubitavi eum repellere
cum ignominia.1
Ubi Tu Amice colendissime obtinuisti Mentham piperitum
genuinam et veram, ego non capio, hoc erat esse Praesidem regii
collegii; cures ut etiam ego habeam plantam vivam, ut si pereat
apud vos, apud nos reportetur.
secundum Tuum consilium, mihi semper fidelissimum, ero v.
D. die ante reditum Regis Drotningholmae.
Doleo quod litterae D. Kaehleri perierint; si reperiuntur, quaeso
communices quae nova.
vale dulcissime mortalium,
dabam d. 5 sept. 1754.
<< prev. page << föreg. sida << >> nästa sida >> next page >>
