Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
transfertur. Ibi demum in quodam horto sata semina, arborem unum
alterumve ex P. Alpino4 monstrant, eumque magnitudine parum notabilem,
et fortassis nondum florentem, ut ex figura Alpini in toto praeter fructum
falsa conjicere licet. In Martinica americae insula similiter una religiose
servatur, jam adulta, florens et fructum ferens, a nostris quondam
Ni-gritis sata. Haec et similia in Epicrisi ad academiam Par. plane
demonstravi.
Alter tomus historiae nostrae Senegalis mox praelis mandandus est.5
Simul-ac prodibit, si quem cui recte committam invenero, curabo ad te
nomine meo perferendum.
Aves nostrae humeris spinosis ad accessum hominum clamitantes,
an eaedem sint ac eae quas dixisti charadrium spinosum, affirmare nullus
datur locus, cum in tuo Systemate Nat. Edit. 6:a 1748, quae ultima ad
nos pervenit, non reperiatur, nec magis notum sit iter allegatum
Palaestinae.6 De alterå vero quam dicis Fulicam spinosam non item. Certe
non eadem est ac avis quam suspicaris Edw. Tab. 48.7 haec enim
caruncula unica ad frontem, et digito postico longissimo donatur: nostra vero
duo palearia ad faciem ante oculos gerit; digito postico brevissimo Tringae
vel gallinulas instar, et colore valde differt; estque si non genere, saltem
specie distinctissima, nec ullibi, quantum novi, descripta depictave.
Ex Conchyliis nostris quas tibi desunt difficile, ne dicam impossibile,
erit singula tradere, cum plurima exemplaria solitaria, vel saltem sic
collecta fuerint, ut varietates notabiles proponant. Non nulla tamen ubi
prassens indicabitur occasio mittam lubenter si desiderantur, uti Pietia
Tab. 1 et fig. 24 et 32 Tab. 9.
Agihalid4 P. Alpini non est, ut reris, Ximenias species. Haec a
Plu-merio quondam in America observata in maritimis Senegalis frequens est,
et staminibus 8 donata, Agihalid vero P. Alpini quae est Planta
Senegalis indigena, demum in dHgypto . . . ,8 sata, decandra et dodecandra
est, et generis plane novi, vix ad ullam classem naturalem Europaearum
plantarum revocanda. Has itaque duas plantas in totidem genera
distinctissima dispertiendas esse ex propriå autopsiå constat. Notare interim
debeo quod ex omnibus fere generibus exoticis a peregrinatoribus antea
constitutis, similia fere dicenda sint, cum vix ullum certe et bene
descriptum, vel caractere generico proprio solide statutum sit, saltem quoad
centum et plura genera Americana, vel Indica quae in Senegalensi
peregrinatione observare contigit. Centum alia plane nova genera obtulit idem
clima, orbi Botanico certe ob novitatem non dedignanda.
Salutem tibi plurimam nunciat B. Jussieus. Quod autem me de [!]
civitate academica Upsaliensi donando,9 te pro viribus facturum polliceris,
<< prev. page << föreg. sida << >> nästa sida >> next page >>
