Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Campanula a me olim existimata cymbalarice foliis florem habet
omnino campanulae sed patentem, semi et ultra quinquefidum laciniis
acutis saepe revolutis; stylum tricornem flore altiorem. Amat haec rimas
umbrosarum rupium ad alpium radices ut inter pinerolium et la
pe-rousa et ad pontem di Lanzo dictum.
Si quae tibi sunt herbarum specimina superflua ex lapponicis, sibiricis,
hispanicis, tartaricis, mihi erunt gratissima; ego mittam praeter pedemontanas
raras, veronenses, bononienses, etruscas, romanas, et nicienses.
Rariorum Niciensium stirpium enumerationem typis parisinis imprimendam
dedi, in qua, nomine a te in libro spec. piant, dato, quae jam notae
stirpes sunt recensentur.2
Si tibi id commodum venit Calarim [Caralim]3 in Sardinia mittam,
quae tu ex pedemontio et Italia poteris exoptare, ut per Suecas naves in
patriam reduces, ad te perveniant. Ibi est amicitia mihi devinctus
Dominus Caséle quod ad Salis marini vectigal, Regius director, sueco consuli
aliisque Suecis notissimus, cujus opera libere uti possum.
Quoniam tam luculenta benevolentiae tuae erga me testimonia dedisti
audeo summum a te favorem impetrare; nimirum ut velis operam tuam
interponere qua possim mihi promereri locum inter Socios
Stockolmien-sis aut Upsaliensis Academiae4. Hunc honorem impertitae mihi sunt
Academia Matritensis, Bononiensis, et Societates Monspeliensis,
Florentina, aliaeque. Summum honorum attigisse mihi videbor, si eum, quem
a te enixe peto, honorem obtinuero. Quaeso interim certiorem me
habeas mihi nihil jucundius, aut acceptius contingere posse, quam gratiam
tuam inter coetera mihi comparare. In universae medicinae utilitatem
diu Vale Vir Sapientissime, meque tui nominis observantissimum habe.
Dabam Augustae Taurinorum 17]g357.
Scire exoptarem num acceperis duo exemplaria mei Speciminis
stirpium, dubito cum epistola quam scripsi, unum periisse.
Hanc epistolam ut ad te perveniat, mitto ad Domiti? Comitem
Lascaris Regis nostri ad Batavos, Hagae comitum, legatum.
Utanskrift:
A Monsieur
Monsieur Le Chevnlier Linnaeus
Professeur de Medecine Trés Celébre
Membre des Academies de Stockolm,
Berlin, Montpellier, Paris etc.
a Upsal.
<< prev. page << föreg. sida << >> nästa sida >> next page >>
