Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Illustrissimo Viro
DD. I. B. AYMEN
Medico Bordeausensi
s. pl. d.
Car: Linnaeus
Arch. Reg. suec.
Equ: aur: de stell. pol.
Tuas Vir illustris literas hodie cum tabellario habui, et
quamvis Te ex facie non noveram, novi tamen facile ex ingenio et
manu.
Quas a me petiisti plantas lubenter mittam, praesertim alpinas
lapponiae primum habebis, quum discipulus meus cras iter in
Lapponiam suscipiat, et ego mittam quamprimum redeat omnes
species.
Dicis Te possidere 6000 plantas exsiccatas, certe si eas habeas
Tibi gratulor; missas accepi plantas facile a toto orbe, nec dum
6000 obtinui.
Philosophiam Botanicam mittam; mirum quod nullus in
Germania legat illum librum, sed in Gallia multi; indicio Germanos
Botanicen studere non solide.
Salviniam ego non vidi vivam, mutilum specimen siccum
possideo.
Pilularia et Lemma B. Juss: ad Filices remitti debere dudum
est quod ex B. Jussieu didici1, et Pilulariam dein copiose legi.
Lemnam meam ad Callitrichem propius accedere a Te hodie
primus didici, et tua fide innixus mox referam.
Ludwigiam et Jussieam esse unius generis non agnosco, at
vero ad eundem ordinem pertinere concedam; est enim et alia
differentia in fructu.
Sauvagesiam numquam vidi vivam, tantum unicum specimen
volante manu evolvi, potui facile errare; errorem dudum
intellexi, et correxi in priori tomo specierum plantarum, qui nuper
prodiit8, si posses mittere specimen mihi foret gratissimum.
Plukenetiae genus lubentissime noscem[!] quum de eo nil magis
novi, quam quae ex Plumiero potui eruere, ter quaeso communices
characterem quanto ocyus.
<< prev. page << föreg. sida << >> nästa sida >> next page >>
