Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
quem amicum et osculor, et Erlangae Schreberus® Tuus, profitentur. Sic
tandem ubique in Germania floret Systema Tuum, non obstante dissensu
adversariorum Tuorum, quorum contradicendi studium apud nos nemo
magni facere solet. Ego primum Wolfio4 meo erga Te pietatem et
amorem instillaui, cuius inauguralem dissertationem Tibi offero, Res
botanica a Singulari prorsus industria viri huius, mirifica sane incrementa
sibi promittit, nam ad exemplar discipulorum Tuorum peragrare solet
syluas, campum et dissitas saepe regiones. Viuit nunc Svinfurti
Francorum, in qua urbe vixit olim Vir ille immortalis, qui condidit Acad.
Nat. Cur.5 Omnes eius ad me datae epistolae continent relationes de
plantis rarioribus in ea regione crescentibus.
Offero et Tibi aliud opusculum®, in quo exposui, qua ratione
bota-nicen docere cogitem. Tuum autem nunc efflagito consilium, Teque
vehementer rogo ut me iuuare velis, mihique succurrere Patrocinio
Tuo et consiliis grauissimis prudentissimis. Tibi me totum deuoueo, Tibi
me commendo, et a Patrocinio Tuo expecto incitamenta ad excolendam
botanicam. Nil magis in praesenti mihi curae cordique est, quam horti
medici incrementum. Dono dedit stirpes serenissima Dux Vinariensis,
Domina mea longe clementissima7, semina miserunt Grimmius8,
Lud-wigius8, aliique viri celeberrimi. Ab aliis non paucis largam expecto
messim. Non dubito autem, Te fore erga me munificentissimum.
Iuua-bis profecto studii botanici in hac academia incrementum, si augeas
seminibus missis stirpium et plantarum copiam. Expecto abs Te Semina
plantarum, quae in Suecia crescunt inprimis, aliarumque exoticarum.
Tu enim diuitiis abundas, eum in finem a Deo Tibi concessis, ut
promoveas studium botanicum, quod tanta Tibi debetur [!] incrementa. Te
Gentes agnoscunt doctorem, nec inuidia immortales laudes Tibi potuit
denegare. Nosti diuitias florae lenensis vel ex Ruppii10 nostri libro.
Eas vero plantas omnes siccatas bene, vel semina harum, quotquot
haberi possunt, Tibi offero. Iubeas modo, quae mittere debeam.
Nundinarum lipsiensium tempore commodam semper habebis occasionem,
qua mecum communicabis semina et Tuas inprimis dissertationes, quas
auide desidero quo illas recensere possim in Nouellis litterariis
acade-miae nostrae, et in libro meo11, cui titulus Auszuge aus den neuesten
med. & phys. Dissertationen id est: Excerpta ex dissertationibus nuper
editis, physici ac medici argumenti. Ego quoque continuare cepi Boerneri
librum de vitis medicorum et physicorum, nostra aetate clarorum. Pars
tertia nunc exaratur12. Si hos meos libellos nondum vidisti,
lubentis-sime Tecum communicabo. Vale diu Vir Generosissime et Perillustris
<< prev. page << föreg. sida << >> nästa sida >> next page >>
