Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Clarissimo Viro D. D. Linnaeo
medicinae Doctori’ Celeberrimo,
Soc. Ac. imp. nat. Cur. Socio Dignissimo,
Botanicorum hujus Saeculi principi
Vir Clarissime,
Ad nostras quoque terrarum oras peruenit, quae quidem per
Litteratum orbem late volat, nominis tui Celebrata Fama, novos, inquiunt,
at perutiles Conatus botanicos publici juris Fecisti. Desiderabantur quippe
multa in Re herbaria, Tantaeque molis erat methodum Condere novam,
sed quae aliis Denegata fuit gloria, tuae sagacitati Reseruabatur, non
Cae-spitabunt ergo inposterum philobotani in Constituendis nouis plantarum
generibus speciebusque ad propriam tribum Referendis, habent modo
quare tibi gratulentur, quod indefessis laboribus tuis, non minus quam
fortunatis Viam aperias ad botanicem et faciliorem, et tutiorem. Salivam
Certe mihi movenf Botanicae lucubrationes tuae, quas si humanitas tua
mihi (etsi immerito) communicare Dignetur hoc quod Reddere beneficium
usquam potero, memori mente persoluam. Spero quoque te non modo
humaniter epistolam hanc accepisse mihi significaturum; sed etiam libenter,
si occasio se dederit, accepturum non nulla plantarum pijrenaicarum et
exoticarum semina, nee-non aliquot nova stirpium americanarum genera
quae sors objecit mihi in gallia aequinoctiali et in Caijennae insula, dum
ibi jussu Regis Christiniossimi [!] plantarum inuestigationi per
quadriennium operam Dabam. Caeterum optandum foret, Vir Amplissime, ut
Tibi aliquatenus Parcas, ne per labores improbius Continuatos
sanitatem tuam magno Rei herbariae Dispendio tandem Concutias et
labefactes.
Vale et Diu Vive, Vir Clarissime, Tibique esse studet omnimodo
devinctissimus atque addictissimus
Barrere in universitate perpinionensi Regius medicinae
professor in gallia aequinoctiali et Caijennae insula olim
Bota-nicus Regius, nosocomii Regii perpinionensis medicus
primarius &c.
Perpiniani apud Ruscinonenses
Octauo idus novembris anni i 739.
<< prev. page << föreg. sida << >> nästa sida >> next page >>
