Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Linn. Soc., Vol. I: 376.
1 Här talas också liksom i föregående bref om Genera plantarum.
2 Jan Swammerdam, se Afd. I: D. 2, s. 43, not 3.
110.
VIRO
Excellentissimo, Experientissimo
D10SC0R1DI lido1
Maecenati suo omnium certissimo
S. P.
Ioannes Bartsch.
Ecquid cogitas? nonne cum ratione sufficienti crederes me mente
captum; annon iure summo adfirmares, non alere terram vllum, qui me
vinceret ingrato animo; numne iuste reiiceres eum, qui ne verbulum
respondet ad litteras Tuas, sed dicam rectius, qui ne minimas Tibi pro
tantis beneficiis reddit grates. En hominem, quo peior certe non datur,
et cum eo Tibi est res? Verum liceat et verbulo caussam meam agere. Scisne,
Vir Excellentissime, ast quid hoc? Scisne, Fautor Optime, quid boni
praestiteris? Certissime iuro per Te, quem amo maxime, iuro Te nescire quid
boni praestiteris. Tu forsan putas me loqui de itinere meo, aut de sparta
Surinamensi. Quantum vero abest, Tibi vero debeo vitam, ne putes me
delirare, Tibi debeo plus quam vitam, quid hoc? mentem sanam in
corpore sano. Obtestor Deum T. 0. M. me sine blandimentis dicere
verissima. Non crederes Te me eripuisse ex miserrimo statu. Visne, vt
haec demonstrem. Cogita ergo hominem, qui adeo defatigauit vires animae,
vt omnia, quae legit, quae sciuit antea, ex memoria deleta inueniat,
adeoque cerebrum ipsum iam vacillare videat; cogita hominem mox
depictum tot futurorum repraesentationibus obrutum; Cogita eumdem
corrumpi febri acuta cum putredine humorum, quam probauit lingua biliosis
sordibus eousque obsessa, vt vix quid rubri superfuerit, annon ergo
accedens halitus putridus loquebatur bilem in Ventriculo corrumpi; Cogita
eumdem caephalalgia cum debilitate corporis summa vexari; Cogita
eumdem olim adeo hilarem, nunc prae moestitia infinita ne ferre posse
colloquia amicorum, immo quod plus et vitare debere lectionem eorum, quae
mox vt notissima ei ab eodem exposci debent. Vidistine unquam magis
deplorandum statum, quem ego, sint Deo gratiae actae ex intimis
verissimae, sufferre debui, ex quo emersi. Si hisce fidem non habeas, testa-
<< prev. page << föreg. sida << >> nästa sida >> next page >>
