Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
hypocaustis praegnantique terra vt laete aurescat fructus. Sic sub
fatorum imperio viuimus mortales! pilas quasi fata habent
homines; Te dum proiiciunt in remotissimam Americani, me vero
in glacie niueque tectas terras; ambos amicos ex florentissima
Musarum sede eiiciunt. 0 vtinam licuisset, quo tu ibis ire! mihi
oblatam spartam, sed desertam tu laetus suscepisti. Sic voluere
fata! Fata itaque tibi fausta adprecor, faustum ad Americam
aditum! laetam Surinami commorationem! felicem post annos in
Europam reditum! redeas tandem felicior Sloaneo, qui, vt solum
floreant flores fructumque ferant, relinquis & affines & cognatos &
amicos & bona & patriam & Europam & grata omnia. Iste qui
fata regit & astra tibi sit vise dux! Vale Amicorum optime, &
dum in loca grata perveneris inque tuas terras viue memor mei,
qui viuo memor tui.
Garolus Linnaeus.
Dabam ex Museo Cliffortia- M. D. & S. A. I. N. C.
no die 10. Jul. 1737.
142.
Fautori suo Optumo
S. P.
loannes Bartsch.
Exspectabis forte, Fautor Optume, multas plantas, certe si recentes
desiderares, Tibi vitra quinquaginta laetissimus ipso momento et quidem
elegantissimas offerrem; ast vt eas Tibi transmittam, ne desideres
impraesentiarum, aliter certissime frustulum panis minutissimum ex ipso
ore eriperes mihi miserrimo; ne credas, quod soluere possem vel
minimam cistulam, vt sileam reliqua. Maledictam saepius lacrimans
nomi-naui horam, qua iter id suscipiendum descreui, non quasi facta fecisse
me peniteat, sed quia non cautius mercari didicerim, nam persuasum
habeas, quod Amstelodamensibus, quos existimaui Viros fide pietateque
clarissimos, omnem meam miseriam, eamque sane longe maximam
debeam. Repraesento mihi saepe saepius Tuum iter per Lapponiam, sed
Te ter quaterque beatum me vocare oportet, si meum statum cum Tuo
praeterito conferam. Tu potuisti Te contra vim frigoris munire, ego
vero calorem aestuantis caeli summum vestimentis laneis, ob defectum
aliorum perferre debeo et adhuc simulare vitam beatissimam. Tu ha-
<< prev. page << föreg. sida << >> nästa sida >> next page >>
