Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
silentio miseriam meam auge. Gramerum mone millies, ne vel minimum
credat vel summis et suavissimis societatis promissis, similia enim fata
experti, qui eum in finem Surinamum transmissi fuere, ubi certe plus
latet, quam patet, vlinam Tecum eum adhuc exosculari possem. Pudet
me, quod tam pauca transmiserim Patrono, cui debeo maxima, ast ad
minimum a Te impetrabo veniam, dum enim repositos pro Te flores
euoiuo, dimidiam sane partem experior deperditam, hinc et reliquos prae
moestitia detinui, usque in sequentem mensem, certe fere nihil agendum
habeo, quam vt muniam non plantas modo, sed vel me ipsum contra
insectorum saevitiam. Quam libentissime Dno van Royen transmisissem
nonnulla, ipse nosti, certissime nimis magna, quam vt credas, mea est
miseria. Vel ipsa charta tandem mihi deficiet, quam tamen tanta in
copia a D. Clifford accepi, dum toties eadem planta reposita, non ipsa
modo sed et charta perditur, vtinam dares mihi locum siccum hoc anni
tempore. Ipse me lacrimans doleres, si me videres omni miseriarum
genere oppressum, fame sitique pereuntem fere, colligens tamen plantas
et semina, sane artis est et ipsa semina bona reportare, [dum] fere quouis
bihorio vel per integros dies pluit. Sis memor mei, ero usque tui. Vale.
Saluta D. Lawsonum, sequenti vice eidem gratias agam pro suo, quo
me amplexus est, fauore. Vale. Certe scribendis litteris tantum temporis
consumere debeo, iisque moestissimis. Seruaui de industria, quam
plurima in posterum. Sarsaeparillam habebo forte et illud semen No. IX
ad D. Clifford missum examina, fragrantissimum spirat aroma, florem
nondum nactus, vt de aliis non nominatis, quae h. tempore non florebant,
semina transmisi. Quod vltimo loco scribo, mihi praecipuum, vt D.
Sohlberg millies millenas agas meo nomine grates, fuit mihi in re incerta
amicus certissimus et vnicus sane, puta, quod quae ei amicitiae exhibeas
testimonia, quasi in me contulisses eadem, me aestimaturum semper.
Vale. Vale Amicorum carissime, suauissime.
Dab. Surinami MDCCXXXVIII. VII Kal. Febr.
Utanskrift:
Carissimo suo
Carolo Linnaeo
Linn. Soc., Vol. I: 422—423. Ibid. 424—425 en duplett af detta bref.
1 = Vini spiritus.
s Vs uns =15 gram.
<< prev. page << föreg. sida << >> nästa sida >> next page >>
