Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Tubus crassus, erectus, longitud. Perianthii, interne villosissimus.
Limbus quinquefidus, laciniis 3 exterioribus tubo duplo longioribus,
quarum 2. oblongo-obtusae, aequales ex vno latere, tertia ex latere altero
latior, linearis, ouato-obtusa, concaua. Duae interiores laciniae, quarum
illa, quae dorso suo succumbit 2 prioribus latissima (non expanditur,
alias fig. eius describerem.) margine vtrimque fimbriato, vtrimque
amplectitur et tegit quintam, quae intima lacinia in summitatem angustiorem
obtusam decurrens, linearis fere, cui adnatae sunt Antherae.
Stam. Filam. inueni nulla. Anth. quasi sacculi duo oblongi,
compressi, continentes genituram, inter quarum rimam angustam decurrit
stilus.
Pist. Germ. leuiter trigonum, superius latius. Stilus filiformis, recte
decurrens et penetrans rimam Anth. superiori sua parte.
Stig. planum, semiorbiculare, in summitate Anth., vbi quasi clauo
quodam firmiter adfixum erat laciniae Corollae.
Per. trigonum, molle, oblongum, ex angusto in latius surgens,
triloculare, triualue.
Sem. plurima, inuoluta membranula quadam alba.
Folia spathacea, vitra dimidium rubra, superius viridia, persistentia.
Spatha particularis fere integre rubra.
Perianth. grate rubrum, initio ore viridi.
Corolla alba, datur et alia vbi Cor. rubra.
Fructif. in spicam crassam oblongam conicam collectae, axi conico
crasso albo spiraliter adplicatae.
Folia vaginantia.
Referas si placet ad genus aliquod, ego vix inueni vllum, quod ex
descriptis suis caracteribus huic conueniat. Transmisi pro Te flores.
Semina plura transmisissem, si eadem inuidiae formicarum eripere
potuissem, quae auidissime ea vel ex ipsa planta auferunt, adeo vt
pericar-pium quasi versus exteriora dehiscens videatur.
Est elegantissimus flos.
Reliqua in posterum, multa in hac notaui. Vtinam haberem
Plu-mierum, fortassis eum saepissime cum maximo oblectamento consulere
possem.
10. latropha. C. L. 721.
latropha fol. cordato-angulatis. H. Cliff. 4 45,3.20 Circa
fructificationes Crotonis et Iatrophae multa mihi videntur obseruanda et
monenda. Ast cum feminas florentes nondum examinare.potuerim, quoniam
iam defloruere atque vegetationes plantarum hic citissime absoluuntur,
hac vice ea silentio praeterire malo.
<< prev. page << föreg. sida << >> nästa sida >> next page >>
