Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
servabam, at cum intellexi e Litteris ad me datis ex sinu persico
amicissimum Vitalium Donatum miserime morte correptum fuisse, tunc
aequum, honestumque credidi non me illam in lucem proferre, sed regiae
Academiae Tavrinensium, et Allionio illius Universitatis tunc electo
botanico demittere, sumptibus enim, et jussu Regis Sabaudiae Donatus
iti-nerabat, et salsote novam spetiem esse inscripsi. Sed Allionius amicitia
forte ductus novum genus instituere voluit, et Bassiam nuncupavit, verum
genuina salsote speties est, et inter salsolas haec Planta in meo herbario
locum tenet. Tolle igitur, vir amplissime, Bassiam a generibus, ego
quoque sic sentio.
Betonica, cujus semina, et siccum exemplar tibi communicavi, haud
dubie diversa est a Betonica tua alopecuroide; pluries enim in Apenninis
in locis nempe natalibus hanc et illam observavi, et vigent ambo in
hortulo meo. Omitto Betonicae meae flores purpureos, et valde amplos,
omitto Betonicam meam esse Betonica tua torosiorem, robustiorem,
hirsutiorem; omitto meam habere spicam tua breviorem, satis crassiorem,
et nunquam interruptam, quae tamen omnia aliquam promerentur
considerationem, sed animadverto foliorum crenaturas in mea obtusas, in tua
acutas, et quod maximum est, galeam in mea evidenter integram et
rotundam, in tua bifidam et acutam, quae omnia simul sumpta satis et
abbunde sunt, ut diversam spetiem constituamus; non enim ego sum ex
illis, qui puerili honoris fame ducti facilime nova genera vel novas speties
ex minimis varietatibus statuunt, et promulgant illico, vel jam cognitas, ut
non nulli, pro novis et nondum detectis venditant. Peramplum Instituti
Bononiensis scientiarum Museum ad universam naturalem historiam
spectans meis curis creditum est, meque occupat nimis, sed si tempus
mihi erit concessum ad perlegendum herbarium meum, non nullas alias
Plantarum speties in laboriosissimis itineribus Apenninorum praesertim,
et Alpium non semel a me institutis lectas forte habebo tibi
communicandas; Dec miraberis, quod Italia nostra nunc plures novas Plantas
ostendat veteribus omnino ignotas, si considerabis, veteres minus sollicitos
fuisse in inquirendis plantis, quam recentiores; consideratione dignum
est etiam, Italiam nostram in re herbaria tam divitem esse, ut nulla
alia Europae Provincia ei sit comparanda, et quam plurimae, ne dicam
pene omnes, quae vel Anglicae, vel Germanicae, vel Ungaricae, vel’ Gallicae,
vel aliarium Europaearum regionum incolae tantum arbitrantur, sunt
quoque italae; ergo in tanta stirpium copia non nuite Plantae botanicis
veterum inquisitionibus effugierunt, quae tamen Plantae vel Bocconio2, vel
Barelliero, vel Michelio Triumpheto, Montio, aliisque italis botanicis
innotuerunt, ex: gr: Ammaniam bacciferam, multis abhinc annis jam ser-
<< prev. page << föreg. sida << >> nästa sida >> next page >>
