Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
pergratum erit. In physicis phaenomena electricitatis omnium curiosorum
ore perferuntur, aetatis vero erit detegere an res sit merae curiositatis
an vero influxum habeat in vitam communem. Viduata propemodum
est facultas nostra dum nuper seniorem nostrum D. A. 0. Goelicke1
amisimus, in cujus locum cum ego vi consuetudinis hic receptae
succedam, D. D. Cartheuser2 sine dubio imposterum vices meas in anatomicis
& botanicis supplebit, utcunque nondum constet an hortus academicus
meae relinquetur curae nec ne? Cui, ne hoc prefiscine dicam, an digne
praefuerim Tibi dijudicandum relinquo, quum ante triennium hortus
nondum aleret plantam quam primae classi merito inserere possem. Quod
reliquum est vicissim de felicissimo Tuae cum mea patria connubio
gratulari nobis possumus, quod, quam latissimum in privatorum commoda
influxum habeat vel ex praesenti velim occasione discas, qua Tibi hasce
litteras secure non tradi solum, sed et toti imposterum nostro commercio
litterario prospectum esse novi, dummodo eodem desiderio flagras mea,
sicut ego tua exosculari. Tandem quoque accipe Catalogum Horti
Academici3, dudum quidem promissum, sed propter alia et professoralia &
clinica negotia hactenus neglectum, quem ut in meis, si erravi, corrigas,
pro tua in me amicitia expecto, imo efflagito. Vale. Scrib. Francof.
ad Viadr. d. 15 Jul. 1744.
Linn. Soc., Vol: I: 520—521.
1 Andreas Ottomar Coelicke, professor i praktisk medicin vid universitetet
i Frankfurt an der Oder, född 1670, död 1744.
2 Johann Friedrich Cartheuser, se Afd. I: D. 4, s. 54, not 7.
3 Titeln på detta von Bergens arbete är: Catalogus stirpium
indigenarum aeque ac exterarum quas hortus medicus Academiae Viadrinae
complectitur . . . (Francof. a/V 1744).
178.
Viro Excellentissimo
Experientissimo Celeberrimo
Domino
Carolo Linnaeo
S.
Carolus Augustus å Bergen.
Improvisam occasionem praesentes has litteras, una cum inclusis
scriptis academicis hujus loci ad Te exarandi ambabus manibus lubens
arripio, partim ut meae in Te observantiae novum aliquod exstet testi-
<< prev. page << föreg. sida << >> nästa sida >> next page >>
