Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Per-lllustri ac Generosissimo
Domino Carolo ä Linné
Equiti aurato, S. R. M. Sueciae Archiatro
Celeberrimo, reliqua,
S. P. D.
J. H. E. C. de Bernstorf.
Redditae mihi sunt Literae Tuae die XXIIX mensis Januarii proximi
ad me perscriptae1, praeclarum animi Tui in me affectum uberrime
significantes, eoque mihi nomine quam acceptissimae. Gratias Tibi ago, Vir
Celeberrime, maximas, tot tantisque abs Te benevolentiae testimoniis
cumulatus, easque referendi si mihi unquam occasio obtinget, me sane
felicem existimabo. Pauca quippe sunt, quae me majore voluptate
afficere poterant. Quoties recordabor, meos qualescunque de literis et
scientiis bene merendi conatus Tuo calculo probatos et a Te laudibus ornatos
fuisse, non potero quin eas Tuae in me Amicitiae soli gratus tribuam.
Vehementer autem laetor, Te aliquo in loco posuisse paucula illa, quibus
voluntatem in Te meam studiumque desideriis Tuis inserviendi declarare
volui potius quam potui; Id quidem est quod magno mihi honori duco.
Tibi Tuisque usibus, Vir Clarissime, aliquid impertiri, quod ad
amplificandam et illustrandam rerum Naturae, operum Creatoris summi,
cognitionem faciat, id vero est ipsum sibi Orbem eruditum per Te devincire.
Aequum et justum est, ut amico Tuo hortatui ac impulsui de
maturanda rerum e longinquis terrae partibus his proximis annis nobiseum
communicatarum editione, quantum in me est, respondere sat agam.
Nec illi curae huc usque defui; Imprimis mihi cordi est Itineris in
Arabiam felicem Regis mei jussu suscepti publicatio, cui sedulo opera
impenditur, licet tabularum, quae ad id opus pertinent, in aes incidendarum
elaboratio plus temporis quam vellem absumat, et has quidem absolvere
oporteat antequam descriptio Itineris prelo queat commitji. Quam primum
autem ad finem perductum erit opus, meum esse judicabo, Te ejus
praecipue participem reddere.
Dn. Königium2 Tranquebariae versantem, quantum potero, sublevare
cupidus, operam dabo, ut is aliquando intelligat, quantum apud me
valuerit Tua commendatio. Mihi credas velim, Per-Illustris Linnaee, me
nec ulla alia in re passurum, ut lateat, quo ego studio Te, tanti nominis
tantique ingenii Virum, prosequar, cujus monumenta praestantissima, dum
<< prev. page << föreg. sida << >> nästa sida >> next page >>
