Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
perlegi summa voluptate mente devoravi, tantique viri etsi foret unica
Epistola condecorari et honorari cupidus, pauca de tuo ultimo edito
systemate dubia proponam, deque meis in Zoologicis conatibus consultabo;
Ne tamen me in re naturali Tyronem tua magni meriti opera acerbo
flagello perstrincturum credas, omnes lites quacunque de re in odio
habeo, maximeque dolet magnum Buffonium Gallicam erga te urbanitatem
deseruisse, et se nimis durum in te, in Hasselquistum tuum et Sebam
ostentasse.
Tuum itaque Systema sextum, decimum, duodecimum attenta mente
pervolvi; Vidique te ut et Gl. Brissonium 1 Systemata vestra in
quadrupedibus ex odontonomia ut ita dicam, exstruxisse. Sed liceat mihi haecce
pauca modeste proponere. Novimus quadrupedia vel ex Speciminibus vivis
in theriotropbiis servatis, vel ex iisdem defunctis, infarctis vel liquore
conservatis, vel ex eorum sceletis, vel tandem ex accuratissimis eorum iconibus;
nec quod scio datur septimum. Ex vivis autem Systema dentium eruere
vulgo haud sine discrimine fieri posse et ipse vir celeberrime confiteri
velis, ex speciminibus infarctis et sceletis res facilior evadit, sed saepius
vidi ea dentibus carere vel ore clauso in infarctis praeparata fuisse, et
minorum animalium liquore conservatorum, non sine periculo rupturae
genarum, os aperiri posse expertus sum, et iconibus descriptionibusque
baud fidi posse ipse monuisti; sed si haec a me dicta certa forent et
facilia, Anomalia tamen regnat in Systemate tuo vir celeberrime in genere,
verbi gratia, Vespertilionum quanta sit dentalis ordinis differentia verbo dixit
cl. Pallas in Specilegiorum zoologicorum fasc. II [o: III]3. Sic
Camelopardalis sui generis animale a te ad cervos collatum dentes habet omnes
spa-thulatos. Erinaceos ab Hystricibus dirimavisti ob molarium discrepantia,
plura hisce addere potueram sed ne censoris munere fungar, his desistam,
solum addam me miratum esse te totum Anteloparum pulcrum genus
omisisse, uti et magna Vespertilionum copia. — Hisce permotus
novam ingredi viam ad ordines naturales inveniendas, conatus sum; nempe
dividi quadrupeda in ecaudata, in brachyura et macroura. Brachyura
ea voco, quorum cauda articulum femoris cum tibiå haud transit,
macroura, quorum cauda longior tibiam attingit, super . .. s Genera sub tribus
hisce ordinibus militantia [ex] pelle et pedibus, tum ex capitibus
collisque conf[ero]; id mihi 42 genera in totum praebuit; scio vir clarissime
me genera tua decerpsisse, scio me hinc et illic animalia incongrua
conjunxisse, verbo scio me errasse, meumque Systema variis scatere vitiis,
attamen conatibus meis ignoscas quaeso; — Tuumque de amphibiis
serpentibus systema, ex numeratione squamarum scutarumque difficillimum,
et sit venia verbis sibimet inconstans, mutare tentavi, ita ut genera tua
<< prev. page << föreg. sida << >> nästa sida >> next page >>
