Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Viro Nobilissimo, Clarissimo
Carolo Linnaeo,
M. D. Acad. Imper. N. C. et Reg. Paris
et Upsal. nec non Acad. Scient. Svec.
p. t. Prsesidi, Botanico Regio
et Classis navalis Sueciae
Medico Ordin.
S. d.
Ioannes Philippus Breynius
Med. Doct.
Litterae tuae, quas nuper ad me dedisti, mihi gratissimae fuerunt.
Non enim tantum a Viro, quem maximi facio, ad illustrandam, dicam
potius reformandam Botanicem nato, proficiscuntur; sed simul tanti Viri
aperiunt Amicitiam, offerunt officia. Haec ambabus amplexus manibus,
Tibi vicissim, Vir Inclyte, amicitiam et officia qualiacunque mea lubens
meritoque dico. Annecto vota, ut Summum Numen vitam Tibi largiatur,
sanitatem et otium, quo operibus Tuis Botanicis praeclaris plura eiusdem
generis superaddere et Systema Botanicum ulterius excolere et ad
perfectionis culmen, quousque nempe in hac rerum imperfectione datur,
evehere Tibi liceat. Secundum hoc Gronovii Floram Virginicam, cuius
pars prima nuper lucem vidit, compositam esse certior factus sum.
Glariss. Royenus vero mihi litteris significavit, se ordinem Horti Acad.
L. B. plane invertisse et ad methodum Tuam aptasse, quia verebatur,
ne si ipse reformationem a Te, Vir oculatissime, inchoatam et adstructam
non urgeret, omnia in pristinum chaos ruerent. Addit, numerum
Studiosorum, qui Botanicam ex veris firmisque principiis summo ardore et
oblectamento addiscunt, Lugduni valde magnum esse; quod inde patet,
quod Genera Tua s. characteres Plantarum brevi rursus prelo committi
debeant. Edidit idem Vir Glariss. Prodromum Horti brevi secuturi.
Ego sane optassem hanc methodum ante aliquot lustra innotuisse
quam enim mihi Seni sexagenario, Nominum imis infixorum medullis
mutatio difficilis sit, ipse omnium novi optime. Interim filium habeo
unicuml, qui nunc Lugduni Bat. studiis operam navat, non quidem
Medicis, sed, ut fata tulerunt, Juridicis; quo non obstante Historiae Nat. et
Botanicae Studium, secundum Tuam inprimis Methodum, ipsi commendavi.
<< prev. page << föreg. sida << >> nästa sida >> next page >>
