Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Hegart de Ficu 1744. ubi de caprificatione egi
Rudberg de Peloria. 1744. de planta hybrida e Linaria, corolla
infundibuliformi, calcaribus quinque
Fougt de coralliis Balthicis 1745. fig. 27. quam nullus dubito
quin Tibi arrideret
Hast de Amphibiis Gyllenborgianis 1745. descriptiones et
synonyma serpentum & Larcertarum [!] indicarum.
Nunc volvo et propediem edam sequentes
de Passiflora fig. 26
de Anandria Siegesbeckii tab. 1.
de Horto Acad. Upsaliensi. Tab. 27.
Nuper prodiit Flora Suecica stockh: 1745. octavo, in qua
1140 plantas suecicas enumero.
Animalia Regni Sueciae; Quadrupedia, Aves, Pisces, Amphibia,
Insecta et Vermes. Omnia cum synonymis et descriptionibus
secundum certa genera; ut dubiam[!]num simile in hac parte numquam
exstiterit; prodibit ad finem anni, qui nunc sudat liber.
Iter oelandicum & Gotlandicum nunc sudat, propediem
prodibit refertum observationibus oeconomicis & physicis.
Lubenter Tibi mittam ex his varia quae adhuc possideo, modo
dicas apud quem haec deponam stockholmiae, ut ea obtineas; ipse
enim habito Upsaliae per 7 horas Holmia remotus.
si rescribas hoc facias sub couvert ad societatem scientiarum
Upsaliae, cujus literas ego aperio.
si poteris aliquot semina mihi mittere pro horto, scias haec
mea esse oblectamenta summa.
vtinam possem obtinere Floram quasi modo genitam3. Tu
forte posses hanc mihi comparare.
ante mensem a D. Baeck accepi Kleinii dubia, respondebo ad
ea in dissertatione academica. potuisset in hisce dubiis varia
omisisse.
Gratias ago pro transmissis schedulis; mihi gratissimae erant,
nec de iis antea umquam audivi.
nullus dubito quin Muscus contra canis morsum apud vos
reperiatur, qui in suecia vulgatissimus est4.
Ter felix vivas; et me amare pergas,
dabam Upsaliae 1745 d: 20 Oct.
si semina habeas Moldavicae americ: trifol: odore gravi
Tournef. 184. quaeso aliquot ad me mittas.
<< prev. page << föreg. sida << >> nästa sida >> next page >>
