Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
quidem adeo spatiosum; sed satis amoenum plurimisque plantis rarioribus
et exoticis refertum et hybernaculis, quorum ante biennium adhuc unum
novum et amplum exstruendum curavi, sumtibus sane haud exiguis,
ut-pote qui 600 Imperiales superant, instructum. In quibus inter alia
plurimas Arbores Caffeiferas floribus fructibusque quotannis superbientes; et
Ananassse s. Bromeliae secundum Te plantas ducentas circiter colo, ex
quibus anno praet. fructus collegi 40. numero et quidem sapidissimos.
Sed quod primarium est Musa nuperrime, quae calamo Tuo sane multum
debet, floribus fructibusque me beavit et exhilaravit. Acceperam nempe
A°. 1740 ex liberalitate communis nostri Patroni Gliffortii Musam
juniorem, una cum elegantissima arbore Camphorifera, neptem credo illius
Musae, quam 1736 tam magnifice celebrasti. Haec viguit quidem in
hy-bernaculo non multum spatioso per annos aliquot; flores vero fructusque
protulit nullos; anno autem praet. m. Septembri octodecim pedes circiter
alta inproviso emisit scapum robustissimum, pro munere scilicet novi
hybernaculi grata, quam plurimis floribus fructibusque onustum, quorum
sexaginta a fine Januarii ad finem Martii usque successive perfectissime
maturuere et palato fuere gratas. Haec prima fuit quae nostris in terris
et climate adeo boreali flores produxit fructusque; unde non mirum
insolitum ejusmodi spectaculi plurimos etiam primi ordinis apud nos
allexisse spectatores curiosos. Haec omnibus partibus major ampliorque
fuit Tua Cliffortiana, quae meae, ut hariolor, avia.
Per integrum fructificationis tempus omnia diligenter observavi,
examinavi et annotavi, figurasque accuratas ad archetypum vivis coloribus
fieri feci. Omnes partes essentiales inveni tales, quod gaudeo, quales
Tu descripsisti. Interim mihi suasu amicorum permissum fore credo,
post largam messem Tuam parvum aliquod colligere spicilegium et
Auctoribus Commercii Litterarii imprimendum transmittere. Quare si aliquid
circa Musam post editam Musam et Hortum Cliffortianum, observaveris
novi, ut mecum quam primum fieri potest communices, quo meo
spicilegio etiam inseri possit, obnixe rogo. Opportune mihi incidit Te in
Musa Tua Cliff. p. 1. inter alia referre: Palmarum nullam tulit unquam
Europa silvestrem vel spontaneam. Cui asserto sane mea contradicit
experientia; cum ipse Palmam humilem s. Chamaeryphen Bauh. Pin. A?
1703 cum oras Hispaniae ad mediterraneum mare salutarem, fructibus
maturis onustam copiose in Regno Vallentise non longe a mare
repere-rim; mihi quoque relatum sit frequentem esse in Regno Siciliae, ubi
scopas ex foliis ejus efficere solent. Te quoque ipsum consentientem
habeo in Horto Cliff. ubi p. 482 Chamserops in Italia, Hispania, Sicilia
etc. nasci, ais.
<< prev. page << föreg. sida << >> nästa sida >> next page >>
