Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Celeberrimo Professori
DD. M. T. BRUNNICHIO
amico sincero
s. pL d.
Car: Linné
Tuas e Valle Joachimi gratissimas hodie accepi, et laetor quod
jam liceat tuis saepius frui.
Gratulor non tantum faustum in patriam reditum, sed maxime
gratulor Tibi dignum munus professorium, quod in Te optime
contulit Ser. Rex Daniae; nec potuit hoc umquam in digniorem,
diligentiorem et doctiorem conferre. Faxit Deus ut diutissime hoc
officio fungaris, cum inde multum augmenti reportabit orbis
eruditus.
Inclusum dipterum, quod avidissime excepi, proxima species
est Culici Equino, distincta tamen; molestet procul dubio Boves,
sed quomodo enecet non capio
D. Scopoli novi et ejus scripta, tam Botanica quam
minera-logica; et ex iis vidi quo usque pervenit, novi et Jaquinum, virum
vere nobilem et eruditum.
Avidissime tuam Ichthyologiam videre exopto; certus sum quod
D. Gouan nihil de Tuis detrahat, qui Te omnibus numeris longe
inferior semper existat.
Non dum videre contigit Halleri Floram helveticam novam,
quam avidissime videre gestio.
miror quod neque viderim Querii Floram Hispanicam neque
eam ab ullo allegatam.
D. Vandelli non modo ad me misit monographiam suam de
Draconis arbore, sed et flores plurimos optime exsiccatos. Habeo
et arborem vivam. Dum Crantzius distinguit haec duo genera, debet
primum demonstrare has duas plantas esse diversae speciei, quod
non credo; neque umquam erit.
Ille qui faciem meam e Gypso confecit jussu S. Reginae nostrae,
ut in ejus museo parieti affigeretur, nunc Romae degit, et ille sine
dubio is est, qui Tibi copiam promisit, quam utut accepero mittam
Haffniam1.
<< prev. page << föreg. sida << >> nästa sida >> next page >>
