Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Viro Celeberrimo
DD. Martin. BRUNNICHIO
in Acad. Haffniens. Profess. pubi.
Amico suo sincero
s. pl. d
Car. v Linné
Non possum effari quanta cum voluptate legi Tuas d. 1 junii
datas, quas nunc nimis sero accepi.
Gratulor Tibi non tantum felicissimum ad Tuos reditum, sed
et munus honorificentissimum et omnia ista commoda quae pro
scientia obtinuisti, opto avide videre istum diem quo hic Te coram
intuear, et a Te addiscere, quas remotus a Doctis viris, non potui
attingere.
Obstupescebam dum legi de Insectis Tuis rarissimis; certe nisi
senium me occupasset lubenter Tui caussa, et ut hos viderem
thesauros, HafFniam ipse adirem; sed vetant fata.
Non dum misit D Ferber Ichthyologiam aut dona Tua aurea
insectorum, quae quotidie avidissime exspecto.
Scripsisti quondam Te concessurum locum in splendidissimo
Tuo museo iconi e gypso, de quo quaesivi Holmiae, sed non
obtinui; si accedas’ poteris et hanc et Swabii obtinere, quas idem
elaboravit juvenis1.
Miror maxime quaenam sit ista Falkia tetraspis? Salicorniam
foliacescentem habeo inter meas siccas, sed non ausus fui dubius
eam proponere. Cheiranthus tataricus anne Cheiranthus
salinus?
Quid fiet de splendido horto vestro Hafniensi? an in cassum
ruat? hoc dolerem maxime. Quo se vertat D. Zoega?2 Quid agit
D. Fabricius? Oro describas et me certiorem facias, quum soles
tam vivide et facile omnia narrare.
Ego dum vixero Tuus permanebo cultor sincerus
Upsalise 1770 d. 4 septembris.
Princeps noster non tam cito accedat
<< prev. page << föreg. sida << >> nästa sida >> next page >>
