Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Viro perillustri & Celeberrimo
Nobilissimo Equiti Dnn Carolo de Linné
S. pl. d.
Briinnichius.
Suecanas musas, naturse & artis officinas septentrionales invisere
aggrediuntur crastino die Comites de Reventlau duo eorumque amicus
Doctor Wendt1, triumviros hos eximios, morum suavitate & scientiis aeque
spectabiles excipias, sum persuasus, pro amicis, pro doctis & magna
eruditione pollentibus. Tantis valent ingenii & judicii dotibus ut dubius
haererem si alicujus animum & animam mihi expetere liceret. Vellem
ut in eorum societate Sueciam aggredi possem, sed hactenus nondum
fuit concessum. Exponent illi, quae mea et totius Scientiae sunt vel esse
4
possunt fata. Collectionem regiam olim in arce Charlottenburg a caro
tuo & beato Holmio2 collectam tandem Dni Ascanii curis datam
Universitati nostrae obtulit Rex; nondum hic allata exspectatur, Fabricius
Professor Oeconomiae in Univ: Hafn: itidem est constitutus; incertus haereo
ipse utrum in officio perseverare liceat, vel munus tradatur D. Ascanio.
Genera Animalium in usum praelectionum divulgare incoepi, quamprimum
perfectum fuerit opusculum illud mittam.
Nuperrime piscem descripsi é Nordlandia allatum 5 pedd. long: &
i ped: lat; Corpore compresso argenteo, pinna dorsali continua,
abdominali vel anali nulla. Sub pectoralibus loco ventralium aderat utrinque
radius 2 pedd: circiter longitudine apice dilatato membranaceo. Iconem
confeci qualem potui, quem una cum descriptione transmittam pro actis
forte Vestris.
En pauca Tibi oblata Insecta, quae circumscriptum tempus & instans
amicorum iter seponere permisit. Dnus Drury Anglus insecta & icones
divulgavit sed nondum mihi visa. Si quaedam inter mea nova sunt Tibi
nondum visa, gratum mihi id erit, qui semper Tibi Tuisque laboribus
sum addictus & maneam. Vale Vir amicissime & haec raptim congesta
pro solito favore ut excuses rogo.
Dabam Hafniae d. 4 Maji 1771.
Utanskrift:
a Monsieur Monsr Charles de Linné Medecin premier
du Roi. Professeur Docteur & Membre de tous les
So-cietes illustres d’Europe a Upsala.
<< prev. page << föreg. sida << >> nästa sida >> next page >>
