Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Romanae ecclesiae extiterit, celsior et princeps cunctis
sacerdotibus totius mundi exsistat, et eius iudicio, quaeque
ad cultum Dei vel fidei Christianorum stabilitate
procuranda fuerint, disponantur. Iustum quippe est, ut ibi
Jex sancta caput teneat principatus, ubi sanctarum legum
institutor, salvator noster, beatum Petrum apostolatus
obtinere praecepit cathedram, ubi et crucis patibulum
sustenens beate mortis sumpsit poculum suique magistri
et domini imitator apparuit, et ibi gentes pro Christi
nominis confessione colla flectant, ubi eorum doctor beatus
Paulus apostolus pro Christo extenso collo martyrio
coronatus est; illic usque in finem quaerant doctorem, ubi
sanctum doctoris quiescit corpus, et ibi proni ac humiliati
caelestis regis, Dei salvatoris nostri Jesu Christi,
famulentur officio, ubi superbi terreni regis serviebant imperio.
13. Interea nosse volumus omnem populum
universarum gentium ac nationum per totum orbem terrarum,
construxisse nos intra palatium nostrum Lateranense
eidem salvatori nostro Domino Deo Jesu Christo ecclesiam
a fundamentis cum baptisterio, et duodecim nos sciatis
de eius fundamentis secundum numerum duodecim
apostolorum cofinos terra onustatos propriis asportasse
humeris; quam sacrosanctam ecclesiam caput et verticem
omnium ecclesiarum in universo orbe terrarum dici, coli,
venerari ac predicari sancimus, sicut per alia nostra
imperialia decreta statuimus. Construximus itaque et
ecclesias beatorum Petri et Pauli, principum apostolorum,
quos auro et argento locupletavimus, ubi et sacratissima
eorum corpora cum magno honore recondentes, thecas
ipsorum ex electro, cui nulla fortitudo prevalet
elementorum, construximus et crucem ex auro purissimo et
gemmis preciocis per singulas eorum thecas posuimus et clavis
aureis confiximus, quibus pro concinnatione luminariorum
predia contulimus, et rebus diversis eas ditavimus, et
per nostras imperialium iussionum sacras tam in oriente
quam in occidente vel etiam septentriali et meridiana
plaga, videlicet in Judea, Grecia, Asia, Thracia, Africa
<< prev. page << föreg. sida << >> nästa sida >> next page >>
