Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
22. Quod Romana ecclesia numquam erravit nec in
perpetuum, scriptura testante, errabit.
23. Quod Romanus pontifex, si canonice fuerit
ordinatus, meritis beati Petri indubitanter efficitur sanctus,
testante sancto Ennodio Papiensi episcopo, ei multis
sanctis patribus faventibus, sicut in decretis beati Symachi
papae continetur.
24. Quod illius praecepto et licentia subiectis liceat
accusare.
25. Quod absque synodali conventu possit episcopos
deponere et reconciliare.
26. Quod catholicus non habeatur, qui non concordat
Romanae ecclesiae.
27. Quod a fidelitate iniquorum subiectos potest
absolvere.
IV. Gregorius vii. — Contra illos, qui stulte
dicunt, imperatorem excommunicari non posse a Romano
pontifice. — Mars 1081.
Gregorius episcopus, servus servorum Dei, dilecto in
Christo fratri Herimanno Metensi episcopo salutem et
apostolicam benedictionem.
Quod ad perferendos labores ac pericula pro
defensione veritatis te paratum intelligimus, divini muneris
esse non dubitamus. Cuius haec est ineffabilis gratia et
mira clementia, quod nunquam electos suos penitus
aberrare permittit, nunquam funditus labefactari aut deici
sinit; dum eos, persecutionis tempore quadam utili
probatione discussos, etiam post trepidationem aliquam semet
ipsis fortiores facit. Quoniam autem — sicut inter
ignavos alium, quo turpius alio fugiat, timor exanimat — ita
etiam inter strenuos alium, quo fortius alio agat, quo
ardentius prorumpat, virile pectus inflammat, hoc caritati
tuae exhortationis voce curavimus commendare: ut eo
magis in acie christianae religionis stare te delectet inter
<< prev. page << föreg. sida << >> nästa sida >> next page >>
