Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
[Capitula excerpta in conventu Car isiacensi
coram populo lecta].
3. Si comes de isto regno obierit, cuius filius
no-biscum sit, filius noster cum ceteris fidelibus nostris
ordinet de his, qui eidem comiti plus familiares [et]
propinquiores fuerunt, qui cum ministerialibus ipsius
comitatus et cum episcopo, in cuius parrochia fuerit ipse
comitatus, ipsum comitatum praevideant, usque dum nobis
renuntietur, ut filium illius, qui nobiscum erit, de
honoribus illius honoremus. Si autem filium parvulum
habuerit, isdem filius eius cum ministerialibus ipsius
comitatus et cum episcopo, in cuius parrochia consistit,
eundem comitatum praevideant, donec obitus praefati
comitis ad notitiam nostram perveniat et ipse filius eius per
nostram concessionem de illius honoribus honoretur. Si
vero filium non habuerit, filius noster cum ceteris
fidelibus nostris ordinet, qui cum ministerialibus ipsius
comitatus et cum episcopo proprio ipsum comitatum praevideat,
donec iussio nostra inde fiat. Et pro hoc ille non
irascatur, qui illum comitatum praeviderit, si eundem
comitatum alteri, cui nobis placuerit, dederimus quam illi, qui
eum eatenus praevidit. Similiter et de vassallis nostris
faciendum est. Et volumus atque praecipimus, ut tam
episcopi quam abbates et comites seu etiam ceteri fideles
nostri hoc erga homines suos studeant observare.
4. Volumus etiam et expresse praecipimus, quod,
si aliquis episcopus vel abbas aut abbatissa vel comes
aut vassallus noster obierit, nullus res ecclesiasticas aut
facultates diripiat vel comitis aut vassalli nostri aut
alicuius defuncti res aut facultates invadere vel usurpare
praesumat vel uxoribus defunctorum laicorum ac filiis
quamcumque violentiam inferat, et nullus ad illorum
eleemosynam faciendam eleemosynarios eorum impediat.
Quodsi aliquis praesumpserit, et secundum leges
mundanas hoc cum banno nostro componat, et secundum leges
ecclesiasticas inde ecclesiae, quam laesit, satisfaciat, in-
<< prev. page << föreg. sida << >> nästa sida >> next page >>
