Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
tur, depiletur et virgis excorietur, et in utraque maxilla
ferro usque ad dentes uratur. Si quis sexaginta denarios
vel plus quam sexaginta denarii valeant furetur, manus
ei abcidatur. Hanc pacem unusquisque ante proximum
festum sanctae Mariae debet iurare, vel cum iuramento
septem veracium suae condicionis virorum debet se
expurgare, quod ipse non audierit ab aliquo hanc pacem
esse iuratam; qui hoc non fecerit, manum perdat. Si
quis corruperit istam pacem, et aufugerit et latere
voluerit, donec ista pax transierit, si quandoque reversus fuerit,
eandem penam paciatur, quam modo pati deberet. Si
quis noluerit iurare, dicens: Nulli noceo, nec quisquam
nocet mihi, et qui sciens corruptorem pacis paverit vel
receperit vel tutatus fuerit, vel pro pecunia vel aliquo
modo aufugere eum permiserit, eandem penam quam
violator pacis subire debet. Si quis corruptor pacis
aufugerit, dux vel comes vel advocatus vel quilibet rector,
sub cuius regimine prius fuerat, praedia violatoris pacis
auferat et obtineat tam diu, quam diu corruptor pacis
vivat, et post corruptoris pacis mortem hereditatem
heredes eius assequantur. Dominus autem, a quo beneficia
violator pacis obtinuit, beneficia auferat. Si corruptor
pacis se in aliqua municione absconderit, ille, in quo pax
fuit corrupta, faciat apud populum proclamationem, et
persequatur reum per unum diem et per noctem, et cum
populo municionem obsideat per tres dies et per tres
noctes; et si municio expugnari non potest infra tres dies,
dux vel comes cum maioribus ad destruendum castellum
advocetur. Si quis cum laqueis vel cum pedica, quam
vulgo druch dicimus, silvestria animalia, scilicet cervos,
hinulos, capreas, capreolos, lepores et cetera ceperit,
dominus suus omnia, quae habet, ei auferat, possessor vero
terrae, in qua fera capta fuerit, manum eidem vel
dimidiam libram denariorum pro manu auferat. Excipiuntur
advocatio — — —
<< prev. page << föreg. sida << >> nästa sida >> next page >>
