Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
et communitatibus castrorum, civitatum et locorum sacri
imperii universis, ut eodem tempore, dum videlicet regis
Romanorum in imperatorem promovendi electio celebranda
occurrerit, unumquemque principem electorem ab ipsis vel
eorum aliquo conductum hujusmodi postulantem vel
ejusdem nuncios, quos ad electionem ipsam direxerit, ut
pre-fertur, per territoria sua et alias, quanto possint remotius,
absque dolo modo predicto conducant. Si qui vero huic
nostre constitutione contraire presumpserint, subscriptas
ipso facto penas incurrant: omnes quidem principes et
comites, barones, nobiles, milites et clientes et universi
nobiles contrarium facientes reatum perjurii et
privationem omnium feudorum, que a sacro Romano imperio et
a quibuscunque aliis obtinent, et eciam omnium
possessionum suarum a quocunque habitarum incurrant; omnes
quoque cives et communitates contra premissa facere
pre-sumentes similiter sint perjuri et nichilominus universis
suis juribus, libertatibus, privilegiis et graciis a sacro
obtentis imperio sint omnino privati et cum personis et bonis
suis omnibus bannum et proscriptionem imperialem
incurrant. Et eosdem, quos ipso facto exnunc prout extunc omni
jure privamus, deinceps cuilibet hominum auctoritate
propria et sine judicio seu invocatione magistratus cujuslibet
impune licebit invadere, nullamque penam propter hoc
invadens ipsos debebit ab imperio aut quovis alio
formidare, presertim cum contra rempublicam et sacri statum
ac dignitatem imperii ac eciam contra honorem proprium
et salutem tante rei temerarii neglectores tanquam
rebelles inobedientes et perfidi infideliter et perverse agere
convincantur.
3. Decernentes insuper et mandantes, ut omnium
civitatum cives et communia jam dictis principibus
electoribus et eorum cuilibet hoc poscenti eorumque nunciis
victualia in communi precio atque cursu pro suis seu
nun-ciorum predictorum hominumque suorum necessitatibus,
dum ad predictam civitatem causa celebrande electionis
predicte accesserint, et eciam dum discesserint ab eadem,
<< prev. page << föreg. sida << >> nästa sida >> next page >>
