Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ductum hujusmodi impendendum deputati et taliter fuerint
requisiti, ad hoc oportune se valeant et comode preparare.
14. Premissas vero constituciones circa materiam
conductus editas ita sane debere declaramus intelligi, ut
unusquisque superius nominatus vel forsitan non
expressus, a quo in casu premisso conductum requiri
contigerit, ad prestandum ipsum per suas dumtaxat terras et
territoria ac eciam ultra, quanto potest remotius, absque
dolo sub penis contentis superius sit astrictus.
15. Preterea statuimus et eciam ordinamus, ut
ar-chiepiscopus Maguntinensis, qui fuerit pro tempore,
singulis principibus coelectoribus suis ecclesiasticis et
secu-laribus electionem eandem per suos nuncios patentibus
debeat literis intimare; in quibus quidem literis talis
dies et terminus exprimatur, infra quem eedem litere ad
singulos eosdem principes verisimiliter possint pervenire;
hujusmodi vero litere continebunt, ut a die in literis
ipsis expressa infra tres menses continuos omnes et
singuli principes electores Frankenfurd super Moganum esse
debeant constituti, vel suos legales ad eundem terminum
atque locum nuncios destinare cum plena et omnimodo
potestate suisque patentibus literis, majori cujuslibet
eorum sigillo signatis, ad eligendum Romanorum regem in
cesarem promovendum. Qualiter autem et sub qua forma
tales litere confici debeant, et que in eis solempnitas
debeat immutabiliter observari, et in qua forma et modo
principes electores nuncios ad electionem hujusmodi
destinandos ac potestatem, mandatum seu procuratoria
ordinare debuerint, ad finem presentis libri conscriptum
invenitur clarius et expressum, et eandem formam illic
traditam mandamus et de imperialis potestatis plenitudine
usquequaque decernimus observari.
16. Cum autem ad hoc perventum fuerit, quod de
imperatoris vel regis Romanorum obitu in diocesi
Ma-guntina constiterit, extunc infra unum mensem a die
no-ticie obitus hujusmodi continue numerandum singulis
principibus electoribus obitum ipsum et intimationem, de qui-
<< prev. page << föreg. sida << >> nästa sida >> next page >>
