Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
continget eosdem pro honore seu utilitate imperiali
tractandis mutuo convenire. Et hunc modum sessionis sub
omni eo ordine, sicut expressatur superius, ad
praedictorum Coloniensis, Treverensis, Maguntini archiepiscoporum
successores perpetuo extendi volumus,’ ut nullo unquam
tempore super hiis quevis dubietas generetur.
IV. De principibus electoribus in communi. —
Statuimus insuper, ut, quotienscunque imperialem curiam
exnunc in antea celebrari contigerit (in qualibet sessione
videlicet, tam in consilio quam in mensa et locis aliis
quibuscunque, ubi imperatorem vel regem Romanorum
cum principibus electoribus sedere contigerit), a dextro
latere imperatoris vel regis Romanorum immediate post
archiepiscopum Maguntinensem vel Coloniensem (illum
videlicet, quem tunc temporis pro qualitate locprum et
varietate provinciarum juxta privilegii sui tenorem dicto
lateri dextro imperatoris assidere contigerit) rex Boemie,
cum sit princeps coronatus et unctus, primum et post
eum comes palatinus Reni secundum sedendi loca
debeant obtinere; ad sinistram vero partem, immediate post
illum, quem ex predictis archiepiscopis in latere sinistro
sedere continget, primum locum dux Saxonie et post eum
marchio Brandemburgensis alterum obtinebit.
1. Ceterum, quotiens et quando deinceps sacrum vacare
continget imperium, extunc Maguntinensis archiepiscopus
potestatem habebit, sicut potestatem habuisse dinoscitur
ab antiquo, ceteros principes antedictos suos in dicta
electione consortes literatorie convocandi, quibus
omnibus seu hiis, qui poterunt et voluerint interesse, in
electionis termino congregatis dictus archiepiscopus
Maguntinensis, et non alter, eorundem coelectorum suorum vota
singulariter habebit inquirere ordine subsequenti: primo
quidem interrogabit a Treverensi archiepiscopo, cui
primam vocem competere declaramus, sicut invenimus
hactenus competisse, secundo a Coloniensi archiepiscopo, cui
competit dignitas necnon officium Romanorum regi
primum dyadema regium imponendi, tercio a rege Boemie,
<< prev. page << föreg. sida << >> nästa sida >> next page >>
