Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
burgensem virtute regni et principatuum suorum in
electione regis Romanorum in cesarem promovendi cum
ceteris principibus ecclesiasticis suis coelectoribus jus,
vocem et locum habere et unacum ipsis censeri et esse
veros et legitimos sacri imperii principes electores. Ne
inter eorundem principum secularium electorum filios super
jure, voce et potestate prefata futuris temporibus
scandalorum et dissensionum possit materia suscitari, et sic
bonum commune periculosis dilationibus impediri, futuris
auctore Deo cupientes periculis salubriter obviare,
statuimus et imperiali auctoritate presenti lege perpetuis
temporibus valitura decernimus, ut, postquam iidem
principes electores seculares et eorum quilibet esse desierit,
jus, vox et potestas electionis hujusmodi ad filium
primogenitum legitimum laicum, illo vero non extante ad
ejusdem primogeniti primogenitum similiter laicum libere et
sine contradictione cujuspiam devolvatur. Si vero
primogenitus hujusmodi absque heredibus masculis legitimis
lai-cis ab hac luce migraret, virtute presentis imperialis edicti
jus, vox et potestas electionis predicte ad seniorem
fratrem laicum per veram paternalem lineam descendentem
et deinceps ad illius primogenitum laicum devolvatur, et
talis successio in primogenitis et heredibus principum
eorundem in jure, voce et potestate premissis perpetuis
temporibus observetur, ea tamen conditione et modo, ut si
principem electorem seu ejus primogenitum aut filium
seniorem laicum mori et heredes masculos legitimos
lai-cos defectum etatis pacientis relinquere contingeret, tunc
frater senior ejusdem primogeniti tutor eorum et
administrator existat, donec senior ex eis legitimam etatem
attigerit, quam in principe electore decem et octo annos
completos censeri volumus et statuimus perpetuo et
haberi; quam dum exegerit, jus, vocem et potestatem et
omnia ab ipsis dependentia tutor ipse sibi totaliter cum
officio teneatur protinus assignare.
2. Si vero aliquem ex hujusmodi principatibus ipsorum
imperio sacro vacare contingeret, tunc imperator seu rex
<< prev. page << föreg. sida << >> nästa sida >> next page >>
