Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
VI. Ludvig den helige. — Förklaring om feodala
skyldigheter. — Orleans, maj 1246.
In nomine sanctae et individuae trinitatis, amen.
Ludovicus, Dei gratia Francorum rex. Notum facimus,
quod, cum dubitaretur ab aliquibus de consuetudine
bal-lorum et raehatorum Andegaviae et Cenomaniae, nos,
volentes super hoc cognoscere veritatem et quod erat
dubium declarare, vocatis apud Aurelianis baronibus et
magnatibus earundem terrarum, habito cum eis tractatu
et consilio diligenti, communi assertione eorum didicimus
de consuetudine terrarum illarum, quae talis est:
1. Videlicet, quod relicta alicujus nobilis vel
alterius feodati habet in Andegavia ballum liberorum suorum
et terrae et non facit rachatum, nisi se maritet, et si
ipsa moriatur, ille habet ballum, qui magis propinquus est
ex parte patris vel ex parte matris, ex parte cujus
hereditas movet.
2. Quicunque etiam, sive mater sive aliquis
amicorum, habeat custodiam feminae, quae sit heres, debet
praestare securitatem domino, a quo tenebit in capite,
quod maritata non erit, nisi de licentia ipsius domini et
sine assensu amicorum.
3. Et si relicta nobilis vel alterius feodati se
maritet, maritus suus facit homagium domino et solvit
rachatum. Et rachatum est valor terrae unius anni.
4. Dominus autem non habet rachatum de patre ad
filium, nec de fratre ad fratrem. Et omnes alii, qui
tenent ballum, debent homagium domino et debent solvere
rachatum.
5. Ille autem, qui tenet ballum, si terra debet ad
ipsum devenire, non habet custodiam puerorum, immo
proximior post ipsum; et habent pueri beneficium de terra
patris et matris suae, secundum valorem terrae et
secundum statum suum. Et quicunque tenet ballum, debet
facere rachatum, solvere debita et tenere ballum in bono
statu.
<< prev. page << föreg. sida << >> nästa sida >> next page >>
