Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
39. Omnia ergo singula supradicta, que pro
subditorum quiete duximus ordinanda, retenta nobis
plenitudine regie potestatis declarandi, mutandi vel etiam
corrigendi, addendi vel minuendi, a baillivis nostris et
subditis in dictis duabus bailliviis, Carcassonum scilicet et
Bellicadri, districte volumus observari.
Actum Parisius, anno Domini 1254, mense decembris.
VIII. Ludvig den helige. — Förbud mot fejder. —
St. Germain en Laye, jan. 1257.
Ludovicus etc., universis regni fidelibus in Aniciensi
dioecesi et feodis Aniciensis ecclesiae constitutis, salutem.
Noveritis nos, deliberato consilio, guerras omnes inhibuisse
in regno, et incendia et carrucarum perturbationem. Unde
vobis districte praecipiendo mandamus, ne contra dictam
inhibitionem nostram guerras aliquas vel incendia faciatis,
vel agricolas, qui serviunt carrucis seu aratris, disturbetis.
.Quod si secus facere praesumpseritis, damus senescallo
nostro in mandatis, ut fidelem et dilectum nostrum G.
Aniciensem electura juvet fideliter et attente ad pacem in
terra sua tenendam et fractores pacis, prout culpa
cujus-cunque exigit, puniendos. Actum apud Sanctum
Germanum in Laya, anno Domini 1257, mense ianuarii.
IX. Filip iv. — Parlamentets arbetsordning. —
Paris, 1291.
Pro celeri et utili parlamentorum nostrorum Parisius
expeditione sic duximus ordinandum, videlicet:
1. Per totum parlamentum pro requestis audiendis
qualibet die sedeant tres persone de consilio nostro, non
baillivi. Et ad hoc deputamus ad presens magistros
Jo-annem Dentis, Guillelmum de Karitate et Stephanum de
Pedagio, militem; et ad istud officium deputamus notarium
magistrum Richerium.
<< prev. page << föreg. sida << >> nästa sida >> next page >>
