Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ciatis. Quare, fili carissime, nemo tibi suadeat, quod
superiorem non habes et non subsis summo hierarchae
ecclesiasticae hierarchiae; nam desipit qui sic sapit, et
pertinaciter haec affirmans convincitur infidelis, nec est
intra boni pastoris ovile. Et licet de singulis regibus et
principibus sub fide militantibus Christiana pro earum
salute sollicite cogitemus, erga te tamen officii nostri
debitum eo amplius eoque carius et attentius dirigere
debemus et exsequi, quo majori personam tuam paterna
et materna caritate amplectimur, et non solum te, sed
et progenitores, domum et regna tua in diversis nostris
statibus plena et pura sumus benevolentia prosecuti. Nec
possumus, cum non debeamus, praeterire silentio, quin ea,
per quae oculos divinae majestatis offendis, nos perturbas,
gravas subditos, ecclesias et ecclesiasticas saecularesve
personas opprimis et affligis, nec non pares, comites et
barones, aliosque nobiles, et universitates ac populum dicti
regni, multosque diversis angustiis scandalisas, tibi
apertius exprimamus. Profecto erga te hactenus servasse
nos novimus ordinem caritatis, interdum praesentialiter
per nos ipsos, dum nos minor status haberet, ac,
postquam nos Dominus provexit ad apicem apostolicae
dignitatis, per multiplicatas nostras litteras, solemnes nostros
et tuos nuntios, praelatos et comites, alios domesticos
nostros et tuos, te opportunis studiis et temporibus
inducendo, ut errata corrigeres, emendares excessus,
regnum tuum in pacis dulcedine ac tranquillitate disponeres,
ac cleri et populi gravaminibus abstineres, tuoque jure
contentus, in aliorum injuriam occupatrices non
extenderes manus tuas. Sed quod te correxeris, et in te
salutis semina sata, ut vellemus, fructificaverint, non
videmus; quin immo delinquendi licentiam et multiplicandi
peccata videris (proh dolor) in consuetudinem deduxisse.
Et ut aliqua explicabiliter inferamus, ecce quod
licet pateat manifeste ac explorati juris exsistat, quod
in ecclesiasticis dignitatibus, personatibus et beneficiis,
canonicatibus et praebendis, vacantibus in curia vel extra
<< prev. page << föreg. sida << >> nästa sida >> next page >>
