Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
locis ecclesiasticis, quorum recipis guardiam vel custodiam,
vel a praedecessoribus tuis receptam proponis, pateris
exercere; quin potius sententias seu processus per dictos
praelatos ac personas ecclesiasticas licitos, promulgatos
et latos, si tibi non non placeant, directe vel indirecte
revocare compellis.
Et quod tacere nolumus, Lugdunensem ecclesiam
tam nobilem, tam famosam, tam caram in praedictae
sedis pectore constitutam, quge in spiritualibus et
temporalibus hactenus reflorebat, tu et tui injuriosis
gravaminibus et excessibus ad tantam inopiam et
oppressionis angustiam deduxistis, quod vix adjicere poterit,
ut resurgat, quam constat non esse infra limites regni
tui, nosque, qui quandoque canonicus fuimus in eadem
ecclesia, ejusque libertatum, privilegiorum et jurium
notitiam plenam habemus, non revocamus in dubium, quod
injuriose nimis tractas eandem. Vacantium regni tui
ecclesiarum cathedralium redditus et proventus, quos
tui et tu appellas regalia per abusum, tu et ipsi tui
non moderate percipitis, sed immoderate consumitis; sic
fit, ut quorum custodia fuit ab initio regibus pro
conservatione commissa, nunc ad consumptionis noxam
criminose deveniant et discriminosis abusibus exponantur.
Quod enim custodiendum est rapitur, et quod
conservandum illicite devoratur, et custodes sunt lupi rapaces
effecti, et sub praetextu custodiae status ecclesiarum et
personarum ecclesiasticarum dispendia perfert, damna
sustinet et miserabiles sortitur eventus, primaevae
conservationis spe utique defraudatur. Et quidem praelati
et ecclesiasticae personae, nedum ii, quos regni tui
continet incolatus, sed per illud alienigenae etiam
transeuntes, bona propria mobilia de regno ipso nequaquam
extrahere permittuntur, ex quo diversa patiuntur incommoda,
et qui super hoc libero uti debent arbitrio, servitutis
quasi jugo premuntur.
Sicut [sed ut] de mutatione monetae aliisque
gravaminibus et injuriosis processibus per te ac tuos magnis ac par-
<< prev. page << föreg. sida << >> nästa sida >> next page >>
