Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
nostris manibus requiratur, neve tui custodia, quam
suscepimus in commisso nobis officio apostolicae servitutis, in
nostrum cedat periculum et discrimen ac perditionem
multorum, dissimulando talia et diutius tolerando ea, amore
paterno commoti, qui omnem vincit affectum, ex affluentia
maternae sollicitudinis excitati, ad providendum, ne
perdat Deus cum impiis animam tuam, neve tua et tam amati
regni claritas malis actibus et detestandis insolentiis
denigretur, deliberatione cum fratribus nostris super hoc habita
pleniori, venerabiles fratres nostros, archiepiscopos et
episcopos, ac dilectos filios, electos et Cisterciensis,
Clunia-censis, Premonstratensis, nec non sancti Dionysii in
Fran-cia Parisiensis diocesis, et majoris monasterii
Turonen-sis ordinis sancti Benedicti monasteriorum abbates, et
capitula ecclesiarum cathedralium regni tui, ac magistros
in theologia et in jure canonico et civili, et nonnullas
alias personas ecclesiasticas, oriundas de regno praedicto,
per alias nostras patentes litteras certo modo ad nostram
praesentiam evocamus, mandantes eisdem, quod in
kalen-dis novembris futuris proxime, quas eis pro peremptorio
termino assignamus, nostro se conspectui repraesentent;
ut, apud te ac alios sublata repentina exceptione concilii,
quin immo maturiori cautela servata, et frustratoriis
objectibus amputatis, super praemissis et aliis deliberate
consulamus eosdem, cum quibus, sicut cum personis apud
te suspicione carentibus, quin potius acceptis et gratis ac
diligentibus nomen tuum et affectantibus statum
prosperum regni tui, tractare consultius et ordinare salubrius
valeamus, quae tam ad praemissorum emendationem quam
directionem, quietem atque salutem, ac bonum et
prosperum regimen ipsius regni videbimus expedire. Si tuam
itaque rem agi putaveris, eodem tempore per te vel per
fideles viros et providos, tuae conscios voluntatis ac
diligenter instructos, de quibus plene valeas habere
fiduciam, iis poteris interesse; alioquin, tuam vel ipsorum
absentiam divina replente praesentia, in praemissis et
ea contingentibus ac aliis, prout nobis superna ministra-
<< prev. page << föreg. sida << >> nästa sida >> next page >>
