Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ministrat ex alto, tantam vides et audis in aliis, quorum
potes exemplo doceri, totque tibi meminimus salubria
consilia destinasse, quod, si tua studia converteres solerter
ad bonum, talium te curares consiliorum juvamine
communire, qui te in stultum finem nequaquam impingerent,
sed ad incrementa salutis et utilitatis publicae prudentius
animarent. Sed timemus, ne apud te, cujus interiores
oculi putantur illicitis excaecati, vilescat sermo
dominicus, et verba aedificativa vitae, productiva salutis,
amoris defectui ascribantur.]
Ad haec, ne Terrae Sanctae negotium, quod nostris
et tuis ac aliorum fidelium debet arctius insidere
praecordiis, nos putes oblivioni dedisse, memorare, fili, et discute,
quod primogenitores tui christianissimi principes, quorum
debes laudanda vestigia solerti studio et claris operibus
imitari, exposuerunt olim personas et bona in subsidium
dictae terrae. Sed Saracenorum invalescente perfidia, et
Christianorum [ac maxime tua] et aliorum regum et
prin-cipum devotione solita tepescente, terra eadem tuis
utique temporibus (heu) perdita noscitur et prostrata. Quis
itaque canticum Domini cantat in ea? Quis assurgit in ejus
subsidium et recuperationis opportunae juvamen adversus
impios Saracenos, magnificantes et, operantes iniquitatem,
debacchantes in illa? Ad ejus quippe succursum arma
bellica periisse videntur, et abjecti sunt clypei fortium,
qui contra hostes fidei dimicare solebant. Enses et gladii
evaginantur in domesticos fidei et saeviunt in effusionem
sanguinis christiani, et nisi a populo Dei domesticae
insolentiae succidantur et pax ei perveniat salutaris, terra
illa, foedata actibus malignorum, a periculo desolationis
et miseriae per ejusdem populi ministerium non resurget.
Si haec et similia iis benevola mente revolvas,
invenies, quod obscuratum est aurum, et color optimus est
mutatus. Annon ignominia et confusio magna tibi et aliis
regibus et principibus Christianis adesse dignoscitur, quod
versa est ad alienos hereditas Jesu Christi, et sepulchrum
ipsius ad extraneos devolutum? Qualem ergo retributio-
<< prev. page << föreg. sida << >> nästa sida >> next page >>
