Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
ronibus, aliisque nobilibus, universitatibus et populo sui
regni inferri praetenditis, emendandum, ad vestram
praesentiam evocastis, ut sic regnum praefatum pretiosis
jo-calibus incomparabilibusque thesauris, clypeis fortium
praeferendis, sapientia videlicet praelatorum et sapientium
etiam aliorum, quorum fidelis maturitate consilii et
providentia circumspecta regi debet et dirigi regnum ipsum,
firmari fides, sacramenta ecclesiastica exhiberi, et
ministrari justitia, et per eos facultatibus et divitiis vacuatum
penitus et exhaustum, dubiis eventibus, miserabilis
ruinae periculis et desolationis extremae dispendiis
exponatur. In quibus, et aliis diversis, gravaminibus, quae per
vos et Romanam ecclesiam sibi, regno et ecclesiae
Gallicanae, tam in reservationibus quam ordinationibus
voluntariis archiepiscopatuum, episcopatuum, et collationibus
beneficiorum insignium dicti regni, personis extraneis et
ignotis et nonnunquam suspectis, nullo tempore
residentibus in ecclesiasticis beneficiis supradictis, ex quibus
divini cultus diminutio sequitur, pie fundantium seu
donantium voluntates, propulso pietatis officio, defraudantur,
pauperibus dicti regni eleemosynarum largitio consueta
subtrahitur, regni depauperatio provenit, et ecclesiae
jacturam deformationis incurrunt, dum, stipendiorum
perceptione subtracta, obsequiis destitutae remanent
servitorum, earum proventibus extraneorum commoditatibus
deputatis, et praelati, dum non habent, quid pro meritis
tribuant, immo retribuant, nobilibus, quorum
progenitores ecclesias fundaverunt, et aliis litteratis personis, non
inveniunt servitores, ac hujusmodi ex causis devotione
tepescente fidelium, non est hodie, qui ad ecclesias
manum liberalitatis extendat, ut alias ex praemissis edictis
praebetur exemplum; nec non pensionibus novis et
censibus ecclesiis de novo impositis, immoderatis servitiis,
aliisque exactionibus et extortionibus variis,
praejudicialibus siquidem et damnosis novitatibus, ex quibus generalis
status ecclesiae immutatur, praelatis superioribus dandi
coadjutores suffraganeis episcopis, et alias tam ipsis quam
<< prev. page << föreg. sida << >> nästa sida >> next page >>
