Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
propter duas causas et rationes, que plus operantur quam
una: videlicet debent hoc servicium, quociens eminet
necessitas, et ob hoc feoda habuerunt, ob hoc dominus, qui
tunc erat rex, eis feoda concessit; et eorum quemlibet
defendit et defendere tenetur contra quemlibet armorum
’ violenciam inferentem; et sic interest eorum, ut reddant,
quod debent, et quia pacem habere suisque bonis, ut [et]
virtutibus et scienciis adquirendis, vacare alias non
possent. Idcirco, cum instat necessitas, primo vocandi sunt,
et, si sufficit auxilium, quod debent, vel sufficere
verisimiliter creditur, si dominus rex vocet eos, qui non debent hoc
nobile servicium, querit, ut eis noceat, non ut sibi prosit;
ex quo sequitur secundum provisionem legalem, quod hoc
non est eidem ignoscendum; et sic peccat mortaliter, quia
vocat et judicat non debentes vocandos, cum non sint.
123. Si vero dominus rex, saniori quo potest
fungens consilio, judicat omnium debentium armorum
servicium auxilium sibi non sufficere, potest vocare
retro-bannium, videlicet primo auxilium franca feoda tenentium,
et, si sufficiat, debet esse contentus; si non sufficiat,
vocare debet, quatinus secundum verum et rectum judicium
sibi deest, et non ultra, auxilium populi, id est omnium
feoda non tenentium.
Et si bona domini regis et istorum cum omnibus
precedentibus, franca feoda tam debentia servicium quam
non debentia tenentibus, non sufficiunt verisimiliter ad
defensionem, tunc in casu necessitatis defensionis regni,
que legem non habet, dominus rex, quatinus sibi deest
ad commodam defensionem, exigere et capere poterit de
bonis ecclesiarum et ecclesiasticarum personarum. Et
hoc est ultimum finale subsidium, quod dominus rex
capere potest; quod satis apparet eo, quod hoc auxilium
ecclesiarum et ecclesiasticarum personarum nunquam aut
valde raro hactenus captum fuit; et quia, quociens
capitur, contra jus commune canonicum et civile capitur, ergo
cum mortali peccato, nisi subsit jus speciale, cujus virtute
et ratione capi possit; quod esse non potest nisi unum,
<< prev. page << föreg. sida << >> nästa sida >> next page >>
