Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
4. Archiepiscopis, episcopis et personis regni non
licet exire de regno absque licentia domini regis. Et si
exierint, si domino regi placuerit, assecurabunt, quod nec
in eundo nec in moram faciendo nec in redeundo perquirent
malum vel damnum domino regi vel regno. [Hoc damnavit.]
5. Excommunicati non debent dare vadium ad
remanens, nec praestare juramentum, sed tantum vadium et
ple-gium standi judicio ecclesiae, ut absolvantur. [Hoc damnavit.]
6. Laici non debent accusari nisi per certos et
legales accusatores et testes in praesentia episcopi, ita quod
archidiaconus non perdat jus suum nec quidquam, quod
inde habere debeat. Et si tales fuerint qui culpantur,
quod non velit vel non audeat aliquis eos accusare,
vice-comes, requisitus ab episcopo, faciet jurare duodecim
legales homines de visneto seu de villa coram episcopo,
quod inde veritatem secundum conscientiam suam
manifestabunt. [Hoc toleravit.]
7. Nullus, qui de rege tenet in capite, nec aliquis
dominicorum ministrorum ejus excommunicetur, nec terrae
alicujus eorum sub interdicto ponantur, nisi prius
dominus rex, si in terra fuerit, conveniatur, vel justitia regis,
si fuerit extra regnum, ut rectum de ipso faciat; et ita
ut, quod pertinebit ad curiam regni, ibidem terminetur, et
de eo, quod spectabit ad ecclesiasticam curiam, ad eandem
mittatur, ut ibidem terminetur. [Hoc damnavit.]
8. De appellationibus, si emerserint, ab archidiacono
debent procedere ad episcopum, et ab episcopo ad
archiepi-scopum. Et si archiepiscopus defuerit in justitia
exhibenda, ad dominum regem perveniendum est postremo,
ut praecepto ipsius in curia archiepiscopi controversia
terminetur, ita quod non debeat ulterius procedere absque
assensu domini regis. [Hoc damnavit.]
9. Si calumnia emerserit inter clericum et laicum,
vel inter laicum et clericum, de ullo tenemento, quod
clericus attrahere velit ad eleemosynam, laicus vero ad laicum
feudum, recognitione duodecim legalium hominum per
capitalis justitiae regis considerationem terminabitur, utrum
<< prev. page << föreg. sida << >> nästa sida >> next page >>
