Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
X. Innocentius iii. — Magna Chartas ogiltighct.
— Anagni, 24 aug. 1215.
Innocentius episcopus, servus servorum Dei,
universis Christi fidelibus hanc paginam inspecturis, salutem
et apostolicam benedictionem. Etsi karissimus in Christo
filius noster Johannes, rex Anglorum illustris, Deum et
ecclesiam vehementer offenderit, unde nos eum
excommunicationis vinculo innodavimus et regnum ejus
ecclesiastico subjecimus interdicto, ipse tamen, illo
misericorditer inspirante, qui non vult mortem peccatoris, sed ut
convertatur et vivat, tandem reversus ad cor, Deo et
ec-clesie humiliter satisfecit in tantum, quod non solum
recompensationem pro dampnis et restitutionem exhibuit
de ablatis, verum etiam plenariam libertatam contulit
ec-clesie Anglicane; quin immo utraque sententia relaxata
regnum suum tam Anglie quam Ybernie beato Petro et
ecclesie Romane concessit, recipiens illud a nobis in
feu-dum sub annuo censu mille marcarum, fidelitatis nobis
inde prestito juramento, sicut per privilegium ejus
apparet aurea bulla munitum. Adhuc autem omnipotenti Deo
amplius placere desiderans, signum vivifice crucis
reverenter assumpsit, profecturus in subsidium Terre Sancte,
ad quod se magnifice praeparabat. Sed humani generis
inimicus, qui semper consuevit bonis actibus invidere suis
callidis artibus, adversus eum barones Anglie concitavit,
ita ut ordine perverso in illum insurgerent, postquam
conversus ecclesie satisfecit, qui assistebant eidem, quando
ecclesiam offendebat. Orta siquidem inter eos
dissensionis materia, cum plures dies statuti fuissent ad tractandum
de pace utrinque, interim sollempnes nuntii ad nostram
fuerunt presentiam destinati, cum quibus habito diligenti
tractatu, post plenam deliberationem scripsimus per
eosdem archiepiscopo et episcopis Anglicanis, precipiendo
mandantes, ut ad reformandum inter utrosque veram et
plenam concordiam diligens impenderent studium et
operam efficacem, omnes conjurationes et conspirationes, si
<< prev. page << föreg. sida << >> nästa sida >> next page >>
