Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
gravia turbationum discrimina dudum habita in regno nostro
carissimus filius Edwardus primogenitus noster pro pace in
regno nostro assecuranda et firmanda obses traditus
exstitisset, et jam sedata, benedictus Deus, turbatione
praedicta, super deliberatione ejusdem salubriter providenda,
et plena securitate tranquillitatis et pacis ad honorem
Dei et utilitatem totius regni nostri firmanda et totaliter
complenda, ac super quibusdam aliis regni nostri negotiis,
quae sine consilio vestro et aliorum praelatorum et
magnatum nostrorum nolumus expediri, cum eisdem
tractatum habere nos oporteat; vobis mandamus, rogantes in
fide et dilectione, quibus nobis tenemini, quod, omni
occasione postposita et negotiis aliis praetermissis, sitis ad
nos Londiniis in octavis sancti Hilarii proximo futuris,
nobiscum et cum praedictis praelatis et magnatibus
nostris, quos ibidem vocari fecimus, super praemissis
tractaturi et consilium vestrum impensuri. Et hoc, sicut nos
et honorem nostrum et vestrum necnon et communem
regni nostri tranquillitatem diligitis, nullatenus omittatis.
Teste rege apud Wygorniam, xiv die decembris.
Item mandatum est singulis vicecomitibus per
Ang-liam, quod venire faciant duos milites de legalioribus,
probioribus et discretioribus militibus singulorum comitatuum
ad regem Londiniis in octavis praedictis in forma
supra-dicta.
Item in forma praedicta scribitur civibus Eboraci,
civibus Lincolniae et ceteris burgis Angliae, quod
mittent in forma praedicta duos de discretioribus,
legalioribus et probioribus tam civibus quam burgensibus.
5) Henrik iii (Simon af Montfort). — 1265.
Rex decano et capitulo Eboracensi, salutem. Cum
praelatos et magnates regni nostri jam vocari fecerimus,
quod sint ad nos apud Wintoniam primo die junii
proximo venturo ad tractandum nobiscum super nostris et
regni nostri negotiis, quae sine eorum praesentia finaliter
expleri nolumus, vobis mandamus in fide et dilectione,
quibus nobis tenemini, firmiter injungentes, quatenus mo-
<< prev. page << föreg. sida << >> nästa sida >> next page >>
