Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
,. XIII. Modus tenendi parliamentum. — Omkp. 1350 (?).
Hic describitur modus, quomodo parliamentum regis
Angliae et Anglicorum suorum tenebatur tempore regis
Edwardi filii regis Etheldredi; qui quidem modus recitatus
fuit per discretiores regni coram Willelmo duce
Norman-niae et conquestore et rege Angliae, ipso conquestore hoc
praecipiente, et per ipsum approbatus et suis temporibus
ac etiam temporibus successorum suorum regum Angliae
usitatus.
Summonitio parliamenti. — Summonitio
parlia-menti praecedere debet primum diem parliamenti per
quadraginta dies.
Ad parliamentum summoneri et venire debent,
ratione tenurae suae, omnes et singuli archiepiscopi,
episcopi, abbates, priores et alii majores cleri, qui tenent
per comitatum vel baroniam, ratione hujusmodi tenurae,
et nulli minores, nisi eorum praesentia et eventus aliunde
quam pro tenuris suis requiratur, ut si sint de consilio
regis, vel eorum praesentia necessaria vel utilis reputetur
ad parliamentum; et illis tenetur rex ministrare sumptus
et expensas suas de veniendo et morando ad
parliamentum; nec debent hujusmodi clerici minores summoneri ad
parliamentum, sed rex solebat talibus pariter mittere
brevia sua rogando, quod ad parliamentum suum interessent.
Item, rex solebat facere summonitiones suas
archi-episcopis, episcopis et aliis exemptis personis, ut
abbatibus, prioribus, decanis et aliis ecclesiasticis personis, qui
habent jurisdictiones per hujusmodi exemptiones et
privilegia, separatim, quod ipsi pro quolibet decanatu et
archi-diaconatu Angliae per ipsos decanatus et archidiaconatus
eligi facerent duos peritos et idoneos procuratores de
proprio archidiaconatu ad veniendum et interessendum ad
parliamentum, ad illud subeundum, allegandum et faciendum
idem, quod facerent omnes et singulae personae ipsorum
decanatuum et archidiaconatuum, si ibidem personaliter
interessent.
<< prev. page << föreg. sida << >> nästa sida >> next page >>
