Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
munibus regni, ut de legibus statuendis contra defectus
legum originalium, judicialium et executoriarum, post
judicia reddita, quae sunt maxime communia negotia; tertio
debent rememorari negotia singularia, et hoc secundum
ordinem illatarum petitionum, ut praedictum est.
De diebus et horis ad parliamentum. —
Par-liamentum non debet teneri diebus dominicis, sed
cunctis aliis diebus, illo die semper excepto aliisque tribus,
scilicet omnium sanctorum et animarum et nativitatis
sancti Johannis baptistae, potest teneri; et debet
singulis diebus inchoari hora media prima, qua hora rex
tenetur parliamentum interesse, et omnes pares regni; et
par-liamentum debet teneri in loco publico, et non in privato,
nec in occulto loco; in diebus festivis parliamentum debet
inchoari hora prima propter divinum servitium.
De gradibus parium. — Rex est caput,
principium et finis parliamenti, et ita non habet parem in suo
gradu, et ita ex rege solo est primus gradus; secundus
gradus est ex archiepiscopis, episcopis, abbatibus,
prioribus, per baroniam tenentibus; tertius gradus est de
procuratoribus cleri; quartus de comitibus, baronibus et aliis
magnatibus et proceribus, tenentibus ad valentiam
comitatus et baroniae, sicut praedictum est in titulo de laicis;
quintus est de militibus comitatuum; sextus de civibus et
burgensibus; et ita est parliamentum ex sex gradibus.
Sed sciendum est, quod, licet aliquis dictorum graduum
post regem absentet, dum tamen omnes praemuniti
fuerint per rationabiles summonitiones parliamenti,
nihilominus censetur esse plenum.
De modo parliamenti. — Ostensa primo forma,
qualiter cuilibet et a quanto tempore summonitio
parliamenti fieri debet, et qui venire debent per
summonitio-nem, et qui non; secundo dicendum est, qui sunt, qui
ratione officiorum suorum venire debent, et interesse
tenentur per totum parliamentum, sine summonitione; unde
advertendum est, quod duo clerici principales parliamenti
electi per regem et ejus concilium, et alii clerici secun-
<< prev. page << föreg. sida << >> nästa sida >> next page >>
