Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
dos principes et populos Christianos ad succursum et
subsidium Terre Sancte, tam a clericis quam a laicis
impendendum, cum ceteris, que longum esset per singula
numerare, prouide statuantur inuiolabiliter obseruanda
circa prelatos et subditos, regulares et seculares,
que-cumque de ipsius approbatione concilii visa fuerint
expedire ad laudem et gloriam nominis eius, remedium et
salutem animarum nostrarum, ac profectum et utilitatem
populi christiani. Quia uero ante biennium uniuersale
non posset concilium commode congregari, disposuimus
interim per uiros prudentes in singulis prouinciis plenius
explorare, que apostolice prouisionis limam exposcunt, et
premittere uiros idoneos ad Terre Sancte negotium
pro-uidendum, ut, si exigente necessitate sacrum concilium
approbauerit, nos personaliter ipsum negotium assumamus
efficatius promouendum. Credentes igitur hoc salutare
propositum ab illo descendere, a quo est omne datum
optimum et omne donum perfectum, vniuersitati uestre per
apostolica scripta precipiendo mandamus, quatinus uos
taliter preparetis, quod a presenti dominice incarnationis
millesimo ducentesimo terciodecimo anno usque ad duos
annos et dimidium, prefixis uobis pro termino kalendis
nouembris, nostro uos conspectui presentetis, cum
modestia et cautela, ita quod in uestra prouincia unus uel
duo de suffraganeis ualeant episcopis remanere pro
christianitatis ministeriis exercendis, et tam illi quam alii,
qui canonica forte prepeditione detenti personaliter uenire
nequiuerint, idoneos pro se dirigant responsales;
personarum et euectionum mediocritate seruata, quam
Lateranense concilium diffiniuit, ut nullus omnino plures,
qui-uis autem pautiores, secum adducere possit, nec quisquam
superfluas faciat et pomposas, sed necessarias tantum et
moderatas expensas, ostendendo se actu et habitu uerum
Christi cultorem, cum non secularis applausus, sed
spiritualis profectus in hoc sit negotio requirendus. Iniungatis
autem uos, fratres archiepiscopi et episcopi, ex parte nostra
uniuersis ecclesiarum capitulis, non solum cathedralium,
<< prev. page << föreg. sida << >> nästa sida >> next page >>
